Arsenali i fuqishëm që Ukraina mori nga vendet perëndimore

Kanë kaluar 300 ditë nga fillimi i pushtimit rus në Ukrainë, ku me urdhër të presidentit rus Vladimir Putin, ushtria e Kremlinit iu vërsul Kievit.

“Vetëm na jepni armë dhe ne do të dimë të mbrohemi, mos u shqetësoni për asgjë”, tha presidenti ukrainas Volodymyr Zelensky në ditët e para të pushtimit, duke iu drejtuar partnerëve të tij perëndimorë, transmeton Telegrafi.

Në ditët e para të luftës, agresori njoftoi se “do ta zgjidhte çështjen sa më shpejt dhe sa më pa dhimbje”, por me sa duket ata nuk llogarisnin në rezistencën e fortë të mbrojtësve ukrainase.

Dhe është më se e qartë se marrëdhënia mes palëve ndërluftuese fuqia punëtore, logjistika dhe armët janë të ‘pakrahasueshme’, domethënë në anën e Rusisë, por edhe ukrainasit kanë adutët e tyre.

Pa dyshim, se ukrainasit mbështeten në industrinë e tyre të përkushtuar, por edhe ndihma e aleatëve perëndimorë është e pashmangshme.

Edhe përpara se të fillonte pushtimi në shkallë të gjerë, partnerët perëndimorë filluan të furnizonin Ukrainën me armë.

Gama e arsenalit të dhuruar është vërtet e madhe, dhe kjo është një retrospektivë e vogël e gjithçkaje që i është dhuruar Ukrainës.

Mbrojtja ajrore

Sulmet raketore ruse në infrastrukturën energjetike të Ukrainës, përshpejtuan sigurimin e sistemeve moderne të mbrojtjes ajrore nga partnerët ndërkombëtarë.

Dhjetëra aeroplanë perëndimorë me emra të ndryshëm u shfaqën në Forcat e Armatosura të Ukrainës. A mjafton kjo, shpjegoi gjeneral-lejtnant Ihor Romanenko.

“Ndihma e marrë nuk do të mjaftojë as për të mbuluar vetë Kievin. Kur isha komandant brigade, në kohën sovjetike, në kryeqytet kishte 14 sisteme raketore kundërajrore. Nëse flasim për dërgesa të profilit të lartë, NASAMS dhe IRIS –T janë me rreze të shkurtër sado që të na jepen, ato nuk do të jenë në gjendje të mbulojnë plotësisht qiellin”, u shpreh Romanenko.

Nuk dihet saktësisht se ku është vendosur mbrojtja kundërajrore e marrë. Pas një sulmi masiv raketor më 23 nëntor, banorët në Kiev gjetën fragmente të një rakete AIM-120, të cilat mund të tregojnë se sistemet NASAMS po mbrojnë në mënyrë efektive rajonin rreth kryeqytetit.

“Forcat tokësore dhe ajrore”

Sipas ueb-faqes Oryx, forcat e tokësore dhe ato ajrore ukrainase tani kanë “HIMARS-in turk” — RSZV, duke përdorur raketa TRLG-230. Zyrtarisht askush nuk raportoi për këto furnizime, ndaj mund të flitet për ndihmë “sekrete” nga Turqia.

TRLG-230 godet objektivat nga një distancë prej 70 kilometrash. Ata mbështesin funksionin e drejtimit me laser, kështu që mund të punojnë në kombinim me dronët Bayraktar.

Gjithashtu, ato mund të lëshohen nga sistemi i armëve të artilerisë Roketsan MCL. Nuk dihet numri i saktë i tyre dhe nuk dihet se në cilat objekte përdoren në Forcat e Armatosura.

Dy sisteme franceze iu shtuan artilerisë të Forcave të Armatosura të Ukrainës. Ata, sikurse MARS-i gjerman, janë një modernizim evropian i M270 MLRS amerikan. Nuk ka dallime domethënëse mes tyre dhe të dyja njihen për saktësinë e tyre “kirurgjikale”.

Tanket

Ushtria ukrainase do të furnizohet gjithashtu me tanke nga partnerët perëndimorë. Aktualisht, kompania çeke Excalibur Army, është duke restauruar dhe modernizuar rreth 90 tanke T-72, të cilat janë prodhuar në Poloni dhe ish-Çekosllovaki.

“Është një përditësim shumë serioz. Ata po instalojnë një pamje termike me një nga matricat më të mira në botë. Nëse me pamjen sovjetike natën tanket mund të zbulonin armikun në një distancë prej 500-600 metrash, atëherë me ndihmën e një pamje termike është e mundur të dallosh armikun në një distancë prej 2,5-3 kilometra, dhe nga një distancë prej 1,5 kilometrash – të godasësh objektivin. Me fjalë të tjera, tanket mund ta shohin armikun njësoj gjatë natës si gjatë ditës”, tregon nënkoloneli Mykola Salamaha, specialist i mjeteve të blinduara. /Telegrafi/