Alain Delon dëshiron të bëjë vetëvrasje të asistuar – aktori shkruan letrën lamtumirëse

Alain Delon, aktori që dikur konsiderohej si “mashkulli më i bukur në botë”, nuk dëshiron të jetojë më dhe ka kërkuar që t’i nënshtrohet vetëvrasjes së asistuar apo eutanazisë.

Anthony Delon, djali i aktorit 86-vjeçar francez, tha në një intervistë për kanalin RTL se babai i tij i kishte kërkuar ndihmë për të bërë vetëvrasje të asistuar dhe se ai pranoi të ishte pranë tij në momentet e fundit.

“Po, është e vërtetë, më pyeti”, tha Anthony.

Alain Delon mund t’i nënshtrohet vetëvrasjes së asistuar, e cila nuk është e ligjshme në Francë, falë vendbanimit të tij në Zvicër – pasi në këtë të fundit vetëvrasja e asistuar lejohet, shkruan Marca.

Alain Delon, Marianne Faithfull & Mick Jagger, 1968 pic.twitter.com/ge2UBsqPzJ

— RetroCo (@Retro_Co) May 25, 2017

Aktori ka lënë një letër lamtumirëse para kryerjes së këtij akti.

“Dua të falënderoj të gjithë ata që më kanë shoqëruar ndër vite dhe më kanë dhënë një mbështetje të madhe, shpresoj që aktorët e ardhshëm të gjejnë tek unë një shembull jo vetëm në vendin e punës, por në jetën e përditshme, mes fitoreve dhe humbjeve. Faleminderi, Alain Delon”, shkroi aktori në një deklaratë pasi djali i tij raportoi qëllimin e tij për të bërë vetëvrasje të asistuar.

“Eutanazia është gjëja më logjike dhe më e natyrshme për të bërë. Nga një moshë dhe kohë e caktuar, ne kemi të drejtë të largohemi paqësisht nga kjo botë pa mbështetjen e një spitali apo aparaturave për mbështetjen e jetës”, tha Alain Delon në një intervistë në vitin 2021.

Alain Delon nuk e rimori veten pas vdekjes së gruas së tij dhe pësoi një goditje të dyfishtë.

Alain Delon at the 1961 Cannes Film Festival. pic.twitter.com/A4tAHWqWj1

— The Film Stage 📽 (@TheFilmStage) May 17, 2017

Kur ishte shumë e sëmurë, gruaja e tij Nathalie Delon kërkoi t’i nënshtrohej eutanazisë, por nuk mundi ta bënte këtë për shkak të ligjeve të Francës dhe përfundimisht vdiq nga kanceri i pankreasit.

Filmografia e aktorit Alain Delon

Një fjali shënoi jetën e tij. “Unë i kam jetuar rolet e mia, nuk kam aktruar”, thotë aktori i famshëm francez.

“Në vitin 1958 bëra ‘The Swimming Pool’ me Romy Schneider dhe në vitin 1959 isha tashmë i njohur në të gjithë botën falë ‘In Full Sun’”, rrëfeu Delon.

Më pas ai luajti role edhe në filmat e njohur si: “Rocco and His Brothers” (1960), “Eclipse” (1962) ose “The Leopard” (1963), i regjisorit Luchino Visconti, që njihet si një nga filmat më të mirë ku ka luajtur ai. /Telegrafi/