AAK thërret seancë të jashtëzakonshme për Haradinajn, këto janë kërkesat për Kuvendin (Dokument)

Anëtari i Kryesisë së AAK-së, Muharrem Nitaj në një prononcim për Telegrafin ka thënë sot kanë bërë kërkesë në Kuvendin e Republikës së Kosovës që të mbahet një seancë e jashtëzakonshme lidhur me ndalimin e liderit të kësaj partie nga shteti francez.

Mirëpo, se kur mund të mbahet kjo seancë, Nitaj nuk ka dhënë ndonjë përgjigje konkrete pasi sipas tij varet nga Kryesia e Kuvendit.

“Këtë nuk mund ta them. Varet nga Kryesia e Kuvendit. Ne po kërkojmë të mbahet sot ose nesër”, tha Nitaj për Telegrafin.

Këto janë kërkesa, për të cilën gjë AAK e thërret këtë seancë:

1. Kthimi në atdhe i Ramush Haradinajt, të konsiderohet detyrë shtetërore.

2. Të pezullohen bisedimet me Serbinë.

3. Qeveria të kërkoi tërheqjen e të gjitha fletërresteve të Serbisë për shtetasit e Kosovës.

4. Të krijohet një mekanizëm që do t’i analizojë kushtet dhe rrethanat për krijimin e një formati të ri të bisedimeve me Serbinë.

5. Kërkohet dorëheqja e Ministres për Dialog, Edita Tahiri!

Ndryshe, Ramush Haradinaj është arrestuar të mërkurën në Francë, për shkak të një flet arresti të vitit 2004 nga Serbia dhe po vazhdon të mbahet në burg në Francë. /Telegrafi/