Lajme Kosovë

AAK: Nuk përkrahim dialogun teknik në nivele të ulëta koordinatorësh

Para 4 vitesh

Aleanca për Ardhmërinë̈ e Kosovës (AAK) ka mbledhur sot strukturat drejtuese ku është diskutuar për zhvillimet politike në vend, me theks të veçantë tek menaxhimi i pandemisë, rimëkëmbja ekonomike, dialogu Kosovë-Serbi, mbarëvajtja e koalicionit qeveritar dhe performancën e zyrtarëve të AAK-së në qeverinë̈ aktuale.

Po ashtu u diskutua edhe gjendja e krijuar pas propozim aktakuzave ndaj Presidentit të vendit, Hashim Thaçi dhe kryetarit të PDK-së Kadri Veseli.

Përmes një̈ komunikate për media, AAK ka fillimisht iu ka shprehur ngushëllime të gjitha familjeve që kanë humbur anëtaret e tyre si pasojë e COVID-19.

Në komunikatë thuhet se AAK nuk e përkrah bllokimin e vendit, kufizimin e lirisë̈ së lëvizjes dhe bllokimin e ekonomisë̈.

“Aleanca nuk përkrah bllokimin e vendit, kufizimin e lirisë̈ së lëvizjes dhe bllokimin e bizneseve dhe ekonomisë̈. Përkundrazi, Aleanca konsideron se bizneset dhe qytetarët duhet të mbështeten sa më shumë me grante e subvencione, që do ndihmojnë̈ në kapërcimin e krizës aktuale”, thuhet në komunikatën e AAK-së.

AAK nuk përkrah dialogun teknik në nivel koordinatorësh, sepse sipas këtij subjekti politik, është̈ kthim mbrapa në pozicionin e Kosovës.

“AAK nuk përkrah dialogun teknik në nivele të ulëta koordinatorësh, duke e konsideruar si të gabuar dhe kthim prapa në pozicionin e Kosovës”, thuhet në komunikatë.

Komunikata e plotë:

Aleanca për Ardhmërinë e Kosovës ka mbledhur sot strukturat më të larta drejtuese për të diskutuar për zhvillimet politike dhe qeverisëse në vend. Aleanca për Ardhmërinë̈ e Kosovës, shpreh ngushëllime për të gjithë̈ ata që kanë humbur familjarët me Covid-19.

Aleanca fton qytetarët e vendit, të respektojnë̈ udhëzimet e ekspertëve shëndetësorë, në mënyrë̈ që sa më shpejt të dalim nga kjo pandemi.

Aleanca nuk përkrah bllokimin e vendit, kufizimin e lirisë̈ së lëvizjes dhe bllokimin e bizneseve dhe ekonomisë̈. Përkundrazi, Aleanca konsideron se bizneset dhe qytetarët duhet të mbështeten sa më shumë me grante e subvencione, që do ndihmojnë̈ në kapërcimin e krizës aktuale.

AAK nuk përkrah dialogun teknik në nivele të ulëta koordinatorësh, duke e konsideruar si të gabuar dhe kthim prapa në pozicionin e Kosovës.

AAK përkrah dialogun me lidership amerikan, që do përfundojë̈ me njohjen reciproke mes dy vendeve. Koalicionin qeveritar e kemi mbështetur pa kushte, për shkak të gjendjes së rënduar ekonomike, në mënyrë që një̈ qeveri legjitime të marrë masat e duhura në dobi të qytetarëve të vendit.

Por, AAK nuk do të përkrah marrëveshjet e natyrës teknike në të cilat ekziston rreziku që po rrëshqasim. Aleanca do të jetë si gjithmonë̈ konstruktive në interes të vendit në rast të zgjidhjeve politike të cilat janë̈ në dobi të mirëqenies së qytetarëve.

Këshilli Drejtues i AAK-së e ka autorizuar kryetarin Haradinaj që në emër të Aleancës të zhvillojë çfarëdo bisedimesh eventuale për ri konfigurimin eventual të qeverisë, përfshirë̈ këtu edhe çështjen e presidentit nëse kjo do vjen në rend të ditës.

Këshilli Drejtues po ashtu, ka kërkuar me shumicë, që në këto bisedime, kandidat për president të jetë kryetari Ramush Haradinaj. /Telegrafi/