A do ta godasë Romën tërmeti?

Italiani Rafaele Bendandi, i cili vdiq më 1979 parashikoi se më 11 maj 2011 Romën do ta godasë një tërmet shkatërrues, shkruajnë shumë media italiane dhe evropiane, disa prej të cilave duke qetësuar qytetarët thonë se është e pamundur të parashikohen tërmetet.

Parashikimi i Bendandit është temë e shumë portaleve italiane, ndërsa për tërmetin po debatohet në të gjitha rrjetet sociale, bile edhe televizioni shtetëror italian RAI është marrë me këtë temë duke u përpjekur t’i qetësojë qytetarët.

Bendani lindi në vitin 1893, ndërsa gazeta “Corriere della Sera” që në vitin 1924 e quajti “njeriun i cili parashikon tërmetet”, pasi kishte parashikuar saktë tërmetin, i cili më 2 janar të atij viti kishte goditur rajonin e Adriatikut.

Gjatë jetës e kishin vlerësuar si sharlatan, ndërsa ai tha se tërmetet janë pasojë e lëvizjes së planetit, Hënës dhe Diellit dhe mund të parashikohen. Ai thuhet se ka paraparë edhe disa tërmete tjera – më 13 janar 1915 në Avencan, 11 ballë sipas Merkalit, ku vdiqën rreth 30.000 njerëz, pastaj tërmetin më 6 maj 1976 në Friuli, ku vdiqën 1.000 veta si dhe tërmetin më 2 janar 1924 në Senegal.

Parashikimet e tij nuk ishin qind për qind të sakta, ai qëlloi vendin e tërmetit, por huqi datën, por vetëm për një ose dy ditë. Bendani po ashtu parashikoi se do të ndodhin tërmete shkatërruese më 2011 dhe 2012.

Njerëzit që përcjellin punën e tij thonë se në dokumentet që ai ka lënë nuk është caktuar vendi se ku do të ndodhin këto tërmete dhe pasi sivjet tashmë ka ndodhur një tërmet i fuqishëm në Japoni, besojnë se Roma megjithatë nesër do të mbetet e paprekur. Të tjerët thonë se në dokumentet e tij thuhet qartë se më 11 maj 2011 një tërmet i fuqishëm do ta godasë Romën. /Telegrafi/