Dhjetëra autobus dhe qindra vetura çdo ditë, nga pika të ndryshme kufitare, hyjnë nga Kosova për në Shqipëri. Durrësi vazhdon të jetë epiqendra e pushuesve nga Kosova, megjithëse shumë të tjerë ndalojnë në plazhin e Shëngjinit apo vazhdojnë tutje, për në Vlorë e Sarandë. Çmimet e akomodimit dhe të ushqimit nuk e kalojnë “standardin kosovar”. E veçanta e kësaj vere është shtimi i numrit të turistëve maqedonas.
ENIS VELIU
Durrës, Shëngjin – Si asnjëherë më parë, bregdeti shqiptar është stërmbushur me turistë nga Kosova dhe nga vendet e tjera të rajonit. Dhjetëra autobus dhe qindra vetura për çdo ditë kalojnë pikat kufitare me Kosovën dhe Maqedoninë.
Një alternativë tjetër që po shfrytëzohet duke evituar edhe rrugën jo fort të përshtatshme është ajo përmes liqenit të Komanit, ku rreth 200 automobila çdo ditë, nëpërmjet tri linjave të tragetit, kalojnë një pjesë të mirë të rrugës dhe për rreth dy orë e gjysmë shohin një peizazh të bukur të maleve shqiptare.
Një numër prej 2.770 qytetarësh nga Kosova kanë hyrë në Shqipëri në më pak se 24 orë, kryesisht gjatë natës, vetëm nga pika kufitare në Morinë të Kukësit.
Numri i makinave nga Kosova që kanë hyrë po në 24 orët e fundit është 660.
Në pikën kufitare në Morinë janë hapur gjashtë sportele dhe janë shtuar punonjësit e shërbimit doganor dhe policor, për të shmangur krijimin e radhëve dhe pritjen për t’i kryer veprimet kufitare.
Autoritetet shqiptare, gjithashtu, thonë se kanë vendosur dhe janë duke patrulluar ekipet policore në çdo 300 metra largësi nga njëri-tjetri në rrugën dhe kryesisht në pjesën Morinë-Qafë Shllak, si dhe duke shoqëruar udhëtarët.
Policia është duke u ndihmuar edhe me trupa speciale të Forcave të Ndërhyrjes së Shpejtë të vendosura në Laç dhe përgjatë pjesës më të madhe të rrugës.
Për dallim nga vitet e tjera, këtë verë, një pjesë e konsiderueshme e pushuesve kosovarë ndalet në plazhin e Shëngjinit, disa të tjerë i dalin në “fund” Shqipërisë duke zgjedhur Vlorën apo Sarandën, por prapë primatin e mban plazhi i Durrësit.
Rruga rreth tetë kilometra nga Lezha për në plazhin e Shëngjinit është dukshëm më e mirë se vitin e kaluar, derisa edhe ofertat nga lokalet hoteliere janë më të shumta në numër.
Edhe në Durrës, kapacitetet janë shtuar disa herë sidomos në plazh dhe çmimet e banimit janë më lirë se çdo herë tjetër.
Çmimet e apartamenteve luksoze sillen prej 15 deri në 30 euro, varësisht prej madhësisë dhe inventarit që ka banesa.
Ndërkaq, “dhomat me qira”, ku janë të vendosur nga 2-3 shtretër, nuk kushtojnë më shumë se 10 euro për një natë, një çmim ky i standardizuar pothuajse tash 5 vjet.
Po ashtu, edhe çmimi i ushqimit në pjesë të konsiderueshme të lokaleve sillet si në Prishtinë, por edhe më lirë.
Një makiato e vogël, e preferuar shumë nga kosovarët, në pjesën dërrmuese të lokaleve kushton vetëm 50 lekë (40 centë), ndërkaq një hamburger nga 100-150 lekë (0.80-1.30 euro).
E veçanta e “verimeve” në Durrës këtë vit janë pushuesit maqedonas, numri i të cilëve është shtuar dukshëm.
Ata shprehen të kënaqur me kushtet e ofruara nga bregdeti shqiptar. Goce, pushues me përkatësi maqedonase, së bashku me gruan dhe vajzën e tij tre vjeçe e kanë zgjedhur bregdetin shqiptar për t’i kaluar pushimet verore.
Ai thotë se është i fascinuar me kushtet që ofron sivjet Shqipëria për turistët e huaj.
“Përveç pastërtisë, e cila ka vend për t’u përmirësuar, gjithçka është mirë. Po me pëlqejnë uji, rëra, akomodimi, por edhe menyja në lokale, ngase çmimet janë shumë të lira për një vend bregdetar”.
Për dallim nga qyteti bregdetar, në kryeqytetin shqiptar çmimet janë më të larta. Aty makiaton nuk mund ta gjesh me 50 lekë, por së paku duhet paguar edhe një herë aq. Çmimet në Tiranë, në shumicën e rasteve, janë edhe më të larta sesa në Prishtinë dhe në Durrës.
(Autori është gazetarë i ekonomisë në gazetën “Lajm”)
Lufta Prigozhin - Putin
Më shumëDitët me fat kanë mbërritur në Neptun!
Proplus Call Center po vjen edhe në Gjilan!
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
Ekzaminime falas për kancerin e gjirit në Albi Mall më 12 dhe 13 tetor
Ministri Zharku përuroj asfaltimin e rrugës Botushë - Koshare
FASAL paraqet inovacionet e reja në Global Albanian Gastronomy Festival
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës