Deputeti nga radhët e PDK-së, Behar Selimi ka deklaruar se duhet bërë një dallim të qartë ndërmjet ofertës për një vend ekuivalent për strukturat ilegale të sigurisë dhe strukturave kriminale që veprojnë në veri të vendit. Ish-drejtori i përgjithshëm i Policisë së Kosovës, ka shpjeguar për Telegrafin se në tekstin e marrëveshjes për normalizimin e marrëdhënieve me Serbinë, kur përmendet integrimi i ilegalëve, nuk nënkupton futjen e tyre pa kaluar një proces verifikimi e përzgjedhje.
“Fjala ‘do t’u ofrohet’, për mua nuk nënkupton integrimin e tyre me automatizëm dhe pa verifikim. Kriminelët nëpërmjet drejtësisë e kanë vendin në burg, kurse të dytat si rezultat i marrëveshjes politike do të trajtohen politikisht. Uroj që vetëm fillimi i procesit të jetë politik, kurse vet procesi i përzgjedhjes të jetë profesional dhe në frymën e sundimit të ligjit”, ka thënë Selimi.
Ai ka deklaruar se është e vërtetë se marrëveshja, në shumicën e pikave ka gjuhë shumëkuptimëshe, ashtu siç është karakteri i shumicës se marrëveshjeve parimore, kudo dhe në çdo rast. Selimi ka deklaruar se shumëkuptimësia është në interesin e prezantimit të marrëveshjes nga pala serbe para opinionit të vet.
“Meqë është fjala për një opinion që ende e ëndërron gjithë Kosovën brenda Serbisë, ndërkohë që marrëveshja e fundit përpiqet vetëm ta ruajë interesin serb në Kosovë, e që janë bashkëkombësit e tyre, por shtetasit tanë. Nuk besoj që kjo gjuhë na është dashtë neve, apo ta kemi kërkuar ne. Ne s’kemi çka fshehim, është marrëveshje e dalë nga qasja realiste e mundësive tona, karshi problemit të madh të futjes nën sovranitet të rreth 11 për qind të territorit”, ka thënë Selimi.
Deputeti Selimi ka thënë se” dihet botërisht se kosovarët jo vetëm se nuk kanë mundur ta çlirojnë vetë Kosovën, por nuk kanë pasur forcë as ta çlirojnë krejt territorin”.
“Duhet të jemi të sinqertë: Në atë pjesë nuk kemi qenë dhe akoma nuk jemi. Pra, jemi të çliruar vetëm deri te Ura e Ibrit. Jemi vetëm në kufi. Madje deri në kufi shkojmë nga ajri. Pra kemi integritet territorial, por jo edhe sovranitet. Kjo marrëveshje na jep mundësi ideale të ushtrimit të plotë të sovranitetit”, ka theksuar Selimi.
Ai mendon se zbatimi i marrëveshjes është sfidë e madhe, prandaj duhet që me mençuri të relativizohen edhe "sherret" që mund të dalin nga polisemia e fjalëve të marrëveshjes. /Telegrafi/
Promo
Reklamo këtuLufta Prigozhin - Putin
Më shumëNga Rubrika
PDK, LDK dhe AAK fajësojnë Qeverinë Kurti pasi Kosova shënoi rënie sa i përket lirisë së mediave
Shqiptohen 100 masa në Shkup, 14 për drejtim të automjetit pa patentë shofer
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe