Pavarësisht që institucionet e Kosovës, kanë miratuar një numër të konsiderueshëm të ligjeve që thuhet se janë në harmoni me ato të Bashkimit Evropian, ekzistojnë ende ligje të cilat duhet amandamentuar. Në Planin e Veprimit për negocim të Marrëveshjes së Stabilizim - Asociimit, të cilin e ka miratuar Qeveria e Kosovës, thuhet se në drejtim të arritjes së kësaj marrëveshjeje me Bashkimin Evropian, sfidë mbetet përmirësimi i kornizës ligjore në luftimin e korrupsionit dhe harmonizimi i legjislacionit me BE-në.
Në dokument thuhet se në veçanti, ligji për parandalimin e konfliktit të interesit dhe ligji për deklarimin dhe kontrollin e pasurisë së zyrtarëve të lartë, duhet të qartësohen në disa nene.
Më tej, në dokument thuhet se sfidë mbetet edhe plotësim/ndryshimi i ligjit për financimin e partive politike.
Udhëheqësi i Organizatës për Demokraci, Anti-Korrupsion dhe Dinjitet “Çohu”, Avni Zogiani, ka thënë se problemi i vërtetë i ndërtimit të infrastrukturës ligjore dhe institucionale, si dhe harmonizimi i ligjeve me ato BE-së, qëndron para se gjithash te politika kosovare, por një pjesë të përgjegjësive i mbajnë edhe përfaqësuesit e BE-së në Kosovës.
“Infrastruktura ligjore përgjithësisht kundër korrupsionit në Kosovës është konfliktuoze. Nuk është moderne, është jo efektive edhe ndonjëherë krijohet përshtypja që është krijuar e tillë që qëllimisht të jetë jofunksionale".
"Duke qenë se kemi një bashkësi evropiane të pa konsensus rreth statusit të Kosovës, siç duket ekziston edhe një mos gatishmëri e Evropës për ta afruar Kosovën më afër integrimeve”, tha Zogiani për REL.
Ai tha po ashtu se Kuvendi i Kosovës ka miratua shumë ligje të cilat nuk është dashur të miratohen, gjë që sipas tij, tash ato ligje duhet të rikthehen edhe një herë për ndryshime.
“Në Kosovë kemi ligje të tera që në përsëriten të njëjtat ligje me defekte serioze pa asnjë ndërhyrje të bashkësisë evropiane. Pse? Unë mendoj kjo është para së gjithash se nuk është Kosova një herë për një herë në radhë për të filluar Stabilizim-Asociimin, e as marrëveshjen për heqjen e vizave. Thjesht është një ushqim i pritjeve për opinionin publik”, tha Zogiani.
Në Agjencinë Kundër Korrupsionit, organ ky përgjegjës për zbatimin e politikave shtetërore për luftimin dhe parandalimin e korrupsionit, thonë se Kosova ka ligje të mjaftueshme për luftimin e korrupsionit por, sipas tyre, ligjet nuk po zbatohen.
Drejtori i kësaj agjencie, Hasan Preteni, tha për Radion Evropa e Lirë se ligjet të cilat ndihmojnë në luftën kundër korrupsionit, duhet që sa më parë të fuqizohen.
Sipas tij, ligjet të cilat kanë nevojë të ndryshohen tashmë kanë hyre në agjendën e legjislativit për ndryshime.
“Mendoj që kjo çështje tashmë ka hyre në strategjinë legjislative për këtë vit dhe në pjesën e legjislacionit që në ekzekutiv e ngarkojnë agjencinë janë dy ligjet për të cilat premtimet janë që ato do të realizohen në pjese e parë të këtij viti".
"Është ligji për deklarimin dhe kontrollin e pasurisë dhe Ligji për parandalimin e konfliktit të interesit. Këto dy ligje do të amendamentohen ose do të ndryshojnë varësisht prej asaj se çfarë ndryshimesh do të dalin”, shpjegoi Preteni.
Zyrtarët e ekzekutivit deklarojnë se në fushën e luftimit të korrupsionit, qeveria ka krijuar kornizën e nevojshme të politikave dhe asaj ligjore kundër korrupsionit si dhe ka themeluar institucionet kyçe me qëllim të zbatimit të legjislacionit dhe politikave kundër korrupsionit.
Ata kanë theksuar se veçanërisht veprime janë ndërmarr në fushën e raportimit, zbulimit dhe hetimit të korrupsionit, si dhe zbatimin e Strategjisë dhe Planit të Veprimit kundër korrupsion. /Telegrafi/
Lufta Prigozhin - Putin
Më shumëNga Rubrika
“Nuk ka logjikë që një njeri mos me dal me thanë ne besojmë në drejtësi”, Tahiri i AAK-së me kritika për Qeverinë Kurti për rastet e dyshuara të korrupsionit
Britania e Madhe kërkon t’i kushtohet më shumë vëmendje rreziqeve të konfliktit në Ballkan
VLEN: Gjykata Administrative ka pranuar ankesën për vendvotimin në Likovë
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit