Man Utd, Liverpooli dhe Aston Villa vështrojnë yllin e Barcelonës

Sulmuesi spanjoll, Ferran Torres ka rifituar formën e tij te Barcelona nën drejtimin e trajnerin Hansi Flick, dhe kjo nuk ka kaluar pa u vënë re nga klubet e njohura.

Sipas mediumit Fichajes, disa klube të mëdha të Ligës Premier, duke përfshirë Manchester United, Liverpool dhe Aston Villa janë vënë pas Torresit.

Aston Villa, në veçanti, thuhet se është e interesuar, me menaxherin Unai Emery të etur për të shtuar sulmuesin anësor në skuadrën e tij.

Ritmi i Torres, aftësia e pasimeve dhe etika e punës e kanë bërë atë një lojtar të spikatur për Barcelonën këtë sezon.

Pavarësisht paraqitjeve të tij mbresëlënëse, Barcelona thuhet se është e hapur për të shitur Torres nëse ofrohet oferta e duhur.

Një tarifë prej rreth 35-40 milionë euro mund të jetë e mjaftueshme për të tunduar klubin që ta lërë të largohet.

Lexo po ashtu Barcelona po pret ofertën e duhur për ta shituar Ferran Torresin

Torres aktualisht është i fokusuar në paraqitjet e tij me Barcelonën, duke e ditur se e ardhmja e tij mund të varet nga ruajtja e formës së tij të fortë në muajt e ardhshëm.

Afati i ardhshëm i transferimeve ka të ngjarë të ketë rritje të interesit për sulmuesin spanjoll. /Telegrafi/