Barcelona ka njoftuar tifozët për datën se kur do të rikthehen sërish në ‘Camp Nou’

Një nga historitë gjatë këtyre 12 muajve të fundit sa i përket Barcelonës ka qenë data e mundshme e rikthimit të tyre në ‘Spotify Camp Nou’. 

Klubi kishte shpresuar se do të rikthehen në stadiumin ikonik, i cili i është nënshtruar një rinovimi total që nga qershori i vitit 2023, në fund të vitit 2024, por kjo nuk ndodhi. 

Një rikthim gjatë muajit shkurt ishte pritur nga zyrtarët e Barcelonës, ani pse kjo datë u shtye për në maj para disa muajsh. 

Kishte një shpresë të vërtetë në këtë rast se ata do të arrijnë kësaj radhe të rikthehen me kohë dhe kishte një dëshirë të madhe duke konsideruar se ndeshja e parë do të ishte ‘El Clasico’. 

Sidoqoftë, tek Barcelona tani kanë konfirmuar se ata nuk do të jenë në gjendje të rikthehen në ‘Camp Nou’ deri në fillim të sezonin të ardhshëm. 

The Athletic ka raportuar se klubi katalanas i ka informuar tifozët e klubit për këtë rast dhe se të besuarit e Hansi Flick do të vazhdojnë të luajnë në ‘Estadi Olimpic Lluis Companys’ për pjesën e mbetur të sezonit 2024/2025. 

Barcelona kishte rrezikuar që të përjashtohej nga ‘Estadi Olimpic’ në fillim të muajit maj për shkak të koncerteve verore që po mbaheshin në stadium, ani pse këto në fund u anuluan pasi klubi u lejua që të luajë atje për pjesën e mbetur të sezonit./Telegrafi/