Iu deshën vetëm katër javë për ta trajnuar, kompania Foxconn prezanton modelin e saj të parë të inteligjencës artificiale

Kompania Foxconn prezantoi modelin e saj të parë të inteligjencës artificiale të quajtur FoxBrain.

Foxconn theksoi se u deshën vetëm katër javë për të trajnuar FoxBrain, dhe ai u trajnua me ndihmën e 120 procesorëve grafikë Nvidia H100, transmeton Telegrafi.

Modeli i ri i AI përdor një metodë trajnimi më të lirë dhe më efikase, është optimizuar për gjuhën tradicionale kineze të përdorur në Tajvan dhe shkëlqen në llogaritjet matematikore dhe arsyetimin logjik.

“Modeli ynë FoxBrain miratoi një strategji trajnimi shumë efikase, duke u fokusuar në optimizimin e procesit të trajnimit në vend të akumulimit verbërisht të fuqisë kompjuterike”, tha Lee Jung-Hui – drejtor i Qendrës Kërkimore të Inteligjencës Artificiale në Institutin Kërkimor Hon Hai.

Modeli i ri i AI bazohet në arkitekturën Meta Llama 3.1, me 70 miliardë parametra.

FoxBrain ofron aftësitë e analizës së të dhënave, llogaritjeve matematikore, arsyetimit logjik, punës me dokumente dhe gjenerimit të kodit të programit.

Foxconn planifikon të përdorë një model të ri të AI për të përmirësuar prodhimin dhe menaxhimin e zinxhirit të furnizimit. /Telegrafi/