Justin Bieber heq kapelen e zakonshme, mes thashethemeve për transplantin e flokëve

Justin Bieber u pa duke buzëqeshur gjatë një shëtitjeje në Beverly Hills të hënën, këtë herë pa kapelen e tij të zakonshme, mes spekulimeve se mund të ketë kryer një transplant flokësh.

Këngëtari 31-vjeçar, i njohur për hitin “Peaches”, u shfaq me një veshje të rastësishme, duke kombinuar një bluzë jeshile të ndezur me pantallona të shkurta dhe atlete Nike.

Mungesa e kapeles ka nxitur më tej zërat mbi një ndërhyrje të mundshme për restaurimin e flokëve, një teori e sugjeruar vitin e kaluar nga kirurgu plastik Dr. Gary Linkov, shkruan DailyMail.

Ndërkohë, fansat kanë shprehur shqetësim për pamjen dhe sjelljen e fundit të Bieber-it, si dhe për martesën e tij me Hailey Bieber.

Gjatë fundjavës, ai ndau një mesazh në Instagram duke thënë se nuk ka asgjë për të vërtetuar, ndërsa pak ditë më parë postoi fotografi duke pirë nga një bong, duke shkaktuar komente të ashpra nga ndjekësit.

Përfaqësuesi i këngëtarit ka mohuar zërat se ai po përdor drogëra të forta, duke theksuar se Bieber është në një nga periudhat më të mira të jetës së tij dhe po përqendrohet te prindërimi i djalit të tij, Jack, dhe krijimi i muzikës së re.

Ndërkohë, burime pranë çiftit konfirmojnë se Hailey vazhdon të jetë mbështetëse ndaj tij, ndërsa Justin është i fokusuar te familja dhe krijimtaria e tij muzikore. /Telegrafi/