Një gjë që nuk duhet të bëni kur fëmija juaj është i ftohur: Ky gabim e përkeqëson problemin

Për shkak të një gabimi që prindërit bëjnë kur trajtojnë një hundë të bllokuar te fëmijët, kjo simptomë në fakt zgjat më shumë

Prindërit e fëmijëve të vegjël, veçanërisht ata që shkojnë në kopsht apo në parashkollor, e dinë se sa e vështirë është të luftosh hundën e zënë çdo pesë ditë.

Kjo simptomë shfaqet shpesh me infeksionet virusale dhe ilaçi i parë që prindërit kërkojnë për të lehtësuar frymëmarrjen e të vegjëlve të tyre është një spraj për hundë.

Megjithatë, farmacistët paralajmërojnë për një gabim që ata bëjnë që në fakt e përkeqëson këtë problem, d.m.th. zgjat kohëzgjatjen e bllokimit të hundës, transmeton Telegrafi.

Përdorimi i pikave oxymetazoline

Spreji ose pikat oksymetazoline përdoren për shërimin e ënjtjes së mukozave që ndodhin gjatë rinitit akut, alergjik ose vazomotor, si dhe për shërimin e inflamacionit të sinuseve paranazale, tubit Eustachian dhe veshit të mesëm.

Siç thuhet në udhëzimet për këto pika, rekomandohet përdorimi i tyre për tre deri në pesë ditë, jo më shumë se shtatë, dhe doza e dhënë varet nga mosha e fëmijës.

Përdorimi i pikave për më shumë se sa rekomandohet nga prodhuesi mund të rezultojë që ilaçi të bëhet i paefektshëm, por gjithashtu mund të çojë në një përsëritje të simptomave që janë trajtuar – ënjtje e mukozës, hundë e bllokuar, inflamacion, tharje e mukozës…

Këto simptoma duhet të zhduken pas ndërprerjes së mjekimit.

Çfarë duhet të bëni nëse fëmija juaj ka përdorur sprej më shumë seç duhet?

Farmacistët kanë këto këshilla:

▪ Ndaloni menjëherë përdorimin e sprejit.
▪ Përgatituni që hunda e fëmijës suaj të jetë e bllokuar për të paktën dy javë të tjera.
▪ Shpëlajeni hundën e fëmijës tuaj me tretësirë të kripur.
▪ Inhalojeni
▪ Hidratoni mukozën me një sprej ose krem për rigjenerimin e mukozës.

Ndiqni gjithmonë udhëzimet e mjekut tuaj për çdo mjekim ose lexoni udhëzimet dhe konsultohuni me farmacistët për dozën dhe kohën e marrjes së ilaçeve. /Telegrafi/