Marco Asensio po shkëlqen në Ligën e Kampionëve, ‘prek’ çerekfinale me Aston Villan dhe ëndërron për më shumë 

Marco Asensio po jep paraqitje të jashtëzakonshme me Aston Villan, duke u bërë një nga lojtarët më të rëndësishëm të skuadrës.  

Qoftë si titullar apo si zëvendësues, ish-lojtari i Real Madrid dhe PSG vazhdon të impresionojë me klubin anglez. 

Në ndeshjen e parë të 1/16-tës së Ligës së Kampionëve kundër Club Brugge, Asensio u shfaq si hero. Ai hyri në fushë në minutën e 64-të kur rezultati ishte 1-1 dhe shënoi një go në fitore 3-1 të Aston Villan.  

Ky gol vazhdon serinë e tij të suksesshme: 5 gola në 7 ndeshje që nga mbërritja e tij në “Villa Park”. 

Marco Asensio’s last four games for Villa:

⚽⚽
➖
⚽⚽
⚽ pic.twitter.com/O6HTgFXcL6

— B/R Football (@brfootball) March 4, 2025

“Jam shumë i lumtur këtu. Stafi dhe shokët e mi më japin besim, dhe unë po përpiqem të jap gjithçka për skuadrën. Gjërat po shkojnë mirë, por dua të jap edhe më shumë”, deklaroi Asensio. 

Një specialist i rolit të zëvendësuesit 

Asensio është bërë i njohur si një “ndryshues i lojës” në Ligën e Kampionëve. Ai mbron titullin e lojtarit që ka hyrë nga stoli më së shumti herë në historinë e këtij turneu (50 herë).  

Nga 13 golat e tij në Ligën e Kampionëve, 10 janë shënuar si zëvendësues, duke e bërë atë një nga specialistët më të mëdhenj në këtë rol. 

Marco Asensio in the knockouts ⚽️#UCL pic.twitter.com/TIsYIg1SbZ

— UEFA Champions League (@ChampionsLeague) March 4, 2025

John McGinn, shoku i tij në skuadër, vlerëson kontributin e Asensio: “Ai dhe Rashford kanë reputacion të madh. Ata janë të uritur për sukses dhe punojnë shumë. Jam i kënaqur që janë këtu”. 

Dashuria e tifozëve 

Asensio tashmë ka fituar zemrat e tifozëve të Aston Villas. Ata kanë krijuar edhe një këngë për të: “Ai shkoi në Madrid dhe fitoi ligën; ai shkoi në Paris dhe bëri të njëjtën gjë. Këpucët e tij janë magjike, emri i tij është Marco, Marco Asensio”. 

Aston Villas new song for Marco Asensio is quality!

“He went to Madrid, he won the league in Spain…
He went to Paris, he did the same again…
He’s f*cking magic, don’t you f*cking know…
His name is Marco, Marco Asensio…” #AVFC 👏👏pic.twitter.com/EQ12rg5AYq

— Football Away Days (@FBAwayDays) February 23, 2025

E ardhmja e pasigurt 

Megjithë suksesin e tij, Aston Villa nuk ka një klauzolë blerjeje për Asension, i cili është në huazim nga PSG.  

Kjo e bën të vështirë qëndrimin e tij të përhershëm në klub, edhe pse lojtari dëshiron të qëndrojë.  

PSG mund ta përdorë atë si pjesë të një marrëveshjeje në verë, duke përfshirë edhe lojtarë të tjerë si Kolo Muani dhe Gonçalo Ramos, për të bërë hapësirë për ardhjen e Alexander Isak./ Telegrafi/