Historia e dhimbshme e Vserlos: Në adoleshencë kishte tentuar ta privonte veten nga jeta duke pirë pilula

Spektakli i së shtunës në Big Brother VIP Albania 4 solli një moment tejet emocional, ku në qendër të vëmendjes ishte historia e Vserlos, një prej banorëve më të diskutuar të këtij edicioni.

Gjatë rrëfimit të tij të ndjerë, Vserlos tregoi për një periudhë shumë të errët të jetës së tij, duke zbuluar se në adoleshencë kishte tentuar të kryente vetëvrasje. Ai u shpreh se kjo ndodhi si pasojë e ngacmimeve dhe paragjykimeve që kishte përjetuar, për faktin se ishte ndryshe nga të tjerët.

Gjithashtu, ai foli për historinë e vështirë të familjes së tij, duke treguar se prindërit e tij janë të divorcuar dhe se kjo ka ndikuar shumë në rritjen dhe mirëqenien e tij emocionale.

Në mes të këtij rrëfimi të rëndë, produksioni i përgatiti një surprizë prekëse, duke i sjellë në studio nënën e tij, Bukurijen. Momenti i takimit mes tyre emocionoi jo vetëm Vserlosin, por edhe të gjithë të pranishmit dhe shikuesit para ekranit.

Historia e tij bëri bujë edhe jashtë shtëpisë, duke nxitur një reagim të madh në rrjetet sociale, ku shumë ndjekës shprehën mbështetjen e tyre për të dhe mesazhe sensibilizuese mbi temën e bullizmit dhe shëndetit mendor. BBVA jo vetëm që është një reality show, por edhe një platformë që sjell histori të fuqishme dhe mesazhe të rëndësishme për shoqërinë. /Telegrafi/