Thonë se u bë i famshëm krah të atit, djali i Arnold Schwarzenegger: Do doja të mos kisha këtë mbiemër

Aktori Patrick Schwarzenegger i është përgjigjur thirrjeve për nepotizëm dhe akuzave se ai mori një rol në serialin “The White Lotus” ‘falë familjes së tij’.

Aktori 31-vjeçar, prindërit e të cilit janë Arnold Schwarzenegger dhe Maria Shriver, pranoi se e frustron kur njerëzit mendojnë se ai ia doli në sipërfaqe falë prindërve të tij të famshëm.

“E di që ka njerëz që do të thonë se e kam marrë këtë rol vetëm sepse babai im është Arnold”, tha ai në një intervistë të publikuar së fundmi.

Ai theksoi se të njëjtët njerëz që kritikojnë suksesin e tij shpesh nuk e dinë se ai ka ndjekur kurse aktrimi për 10 vjet, ka punuar me personazhet e tij për orë të tëra, apo që qindra audicione janë refuzuar.

“Sigurisht, është zhgënjyese dhe mund të mendosh në atë moment. Do të doja të mos kisha mbiemrin tim, por kurrë nuk do ta ndërroja jetën time me askënd. Jam shumë me fat që kam këtë jetë dhe familjen time dhe prindërit e mi dhe mësimet dhe vlerat që ata më kanë futur tek unë”, pranoi ai.

Lexo po ashtu Të gjitha lajmet nga Arnold Schwarzenegger

Para se të merrte rolin e Sakson Ratliff në sezonin e tretë të “The White Lotus”, Patrick kishte role të spikatura në “Scream Queens”, “The Staircase” dhe “American Sports Story: Aaron Hernandez”.

Patriku ia vlerësoi edhe babait të tij dashurinë për aktrimin dhe tha se falë tij u dashurua shumë herët me këtë profesion. Megjithatë, prindërit e tij e inkurajuan atë të punonte në industri të ndryshme, gjë që i çoi ata në projekte të përbashkëta. /Telegrafi/