“Për fat të mirë, shumica e klubeve të Serisë A janë në pronësi të huaj” – Marotta i lumtur që futbolli italian është në duar të investitorëve jashtë Italisë

Presidenti i Interit, Beppe Marotta mendon se Serie A është me fat që ka shumicën e klubeve kanë pronësi të huaj, pasi sipas tij nuk e di se ku do të kishte përfunduar futbolli italian.  

Presidenti Nerazzurri foli gjatë eventit Costituzione e Sport në Milano të hënën, duke dhënë pikëpamjet e tij për këtë gjë. 

“Kur flasim për presidentin e Interit, ne po flasim për një ekip me miliona mbështetës në mbarë botën”. 

“Jo të gjithë e njohin rëndësinë shoqërore që përfaqëson Interi. Ne kemi një sistem skuadrash të përbërë nga femra dhe meshkuj, me 700 anëtarë të regjistruar. Ne kemi një përgjegjësi sociale ndaj tyre”, deklaroi ai. 

Ai deklaroi se në Serie A janë 12 klube që kanë pronësi të huaj dhe këtë gjë e quan fat. 

“Sot, 12 nga 20 klube të Serisë A janë në pronësi të huaj, dhe për fat po. Përndryshe, nuk e di se ku do të kishim përfunduar”. 

Lexo po ashtu Lautaro bën Interin lider të Serie A me fitoren minimale ndaj Genoas

“Kjo gjithashtu reflekton në të gjitha ligat e të rinjve, ku shumë klube periferike, në veçanti, luftojnë për të siguruar akses të lirë në futboll”, nënvizoi Marrotta. 

Interi, Milani dhe Roma nga klubet e mëdha kanë pronësi të huaj, ndërsa Juventusi dhe Lazio vazhdojnë të jenë në duar të italianëve./Telegrafi/