Mo Salah vendos plotë gjashtë rekorde të reja në fitoren e Liverpoolit ndaj Man Cityt

Sulmuesi i Liverpoolit, Mohamed Salah ka vendosur gjashtë rekorde në fitoren me rezultat 2-0 ndaj Manchester Cityt në Ligën Premier të dielën.

32-vjeçari e vendosi Liverpoolin në epërsi në minutën e 14-të kur gjuajtja e tij përfundoi në rrjetë kjo edhe falë ndihmës nga devijimi i Nathan Ake.

Pastaj, në minutën e 37-të ai dhuroi një asistim për Dominik Szoboszlai, me hungarezin që i dha Liverpoolit një epërsi prej dy golash.

Megjithatë, pas përfundimit të ndeshjes kompania e statistikave Squawka ka bërë me dije se reprezentuesi egjiptian ka thyer plotë gjashtë rekorde.

Lexo po ashtu “Ne duhet të fitojmë kampionatin, unë dhe djemtë e mëdhenj në këtë ekip” - Salah flet për fitoren e madhe ndaj Man Cityt

Mo Salah është lojtari i parë në histori të Ligës Premier që regjistron një përfshirje në +40 gola të shënuar në dy sezone të ndryshme.

Mo Salah është lojtari i parë në top pesë ligat evropiane që përfshihet direkt në 50 gola në të gjitha garat në sezonin 2024/2025.

Mo Salah tani ka shënuar dhe asistuar në 11 ndeshje në Ligën Premier këtë sezon, më shumë se çdo lojtar në një sezon të vetëm në top pesë ligat që prej Lionel Messi për Barcelonën në sezonin 2014/2015 (11).

Lexo po ashtu Notat e lojtarëve, Man City 0-2 Liverpool: Salah ‘mbreti’ i derbit

Mo Salah ka dhuruar më shumë asistime në sezonin 2024/2025 se sa çdo lojtar tjetër i Liverpoolit në një sezon të Ligës Premier (16).

Mo Salah është lojtari i parë në histori të Ligës Premier që shënon dhe asiston në të dyja ndeshjet ndaj kampionit në fuqi.

Mo Salah është lojtari i parë në histori që shënon +25 gola dhe bën +15 asistime në një sezon të Ligës Premier./Telegrafi/