Vëllaznimi vjen me reagim për ngjarjet në Prizren – i quan kriminel tifozët vendas, ndërsa klubin e Lirisë si të pabesë

Vëllaznimi ka publikuar një reagim zyrtar për të sqaruar situatën pas incidenteve që ndodhën në fund të ndeshjes kundër Lirisë.  

Në një deklaratë të gjatë, klubi e ka quajtur incidentin “të qëllimshëm dhe të pabesë”, duke theksuar se aksionet e tifozëve të Lirisë kanë qenë kriminale dhe të paarsyeshme. 

Sipas Vëllaznimit, pas përfundimit të ndeshjes, një numër i madh i tifozëve të Lirisë kanë hyrë në fushë pa asnjë arsye apo provokim dhe kanë sulmuar lojtarët, zyrtarët dhe tifozët e Vëllaznimit me gurë, shishe qelqi dhe objekte të tjera.  

Në mesin e të sulmuarve ishin lojtarët Altin Vojvoda dhe Ardian Hoti, si dhe stafi teknik dhe drejtori i klubit.  

Ndihmës-trajneri i Lirisë, Kevin Xhafa, është akuzuar për sulme dhe fyerje verbale, gjë që çoi në një karton të kuq nga gjyqtari kryesor. 

Vëllaznimi thekson se kishte paralajmëruar Federatën e Futbollit të Kosovës dhe KF Lirinë, plotë 72 orë para ndeshjes për praninë e tifozëve të tij, por as klubi i Lirisë dhe as Policia e Kosovës nuk kanë marrë masat e nevojshme për të garantuar sigurinë.  

Kjo neglizhencë, sipas klubit, ka lejuar eskalimin e dhunës. 

Në përfundim, Vëllaznimi kërkon nga organet kompetente të Policisë së Kosovës të identifikojnë përmes fotove individët që kanë marrë pjesë në sulmet, si dhe nga Federata e Futbollit të Kosovës të marrë masa për këtë incident.

 Më poshtë reagimi i plotë i Vëllaznimit i postuar në faqen zyrtare të tyre: 

Klubi i Futbollit Vëllaznimi, nëpërmjet këtij reagimi, dëshiron të sqarojë opinionin publik dhe Federaten e Futbollit e Kosovës në lidhje me incidentin e ndodhur pas përfundimit të ndeshjes Liria – Vëllaznimi, që ishte i qëllimshëm dhe i pabesë nga 𝐊𝐑𝐈𝐌𝐈𝐍𝐄𝐋𝐄𝐓 që zbriten nga tribunat e tifozëve vendas.

Pas përfundimit të ndeshjes një numër i madh i tifozëve të KF Lirisë pa asnjë arsye apo provokimi kanë hyrë në fushë dhe kanë sulmuar lojtarët, zyrtarët dhe tifozët e KF Vëllaznimi me mjete të forta, gurë, shishe qelqi e shumë gjëra tjera.

Tifozët vendas kanë sulmuar fizikisht lojtarët, Altin Vojvoda dhe Ardian Hoti, si dhe është sulmuar dhe fyer shtabi teknik dhe Drejtori i Klubit nga Ndihmës-Trajneri i Lirisë Kevin Xhafa dhe për këtë arsye referi Kryesor e ka ndëshkuar me karton të kuq.

KF Vëllaznimi sipas rregullorës së garave 72 orë para ndeshjes e ka paralajmëruar Federaten e Futbollit si dhe KF Lirinë që tifozët do të udhëtojnë në këtë ndeshje, por klubi i Lirisë së bashku me Policinë e Kosovës me neglizhencë totale dështuan në organizim duke mos marrur asnjë nga masat e duhura për sigurinë në ndeshje që la hapsirë për eskalimin total të dhunës në fund të ndeshjes nga 𝐊𝐑𝐈𝐌𝐈𝐍𝐄𝐋𝐄𝐓 në publikun vendas.

Ju lutemi organeve kompetente të Polisisë së Kosovës që nëpërmjet fotove ti identifikojnë 𝐊𝐑𝐈𝐌𝐈𝐍𝐄𝐋𝐄𝐓 të cilët na kanë sulmuar pabesisht.
KF Vëllaznimi kërkon nga organet kompetente të Federates së Fubollit të Kosovës që të marrin masa për këtë sulm ndaj Lojtarëve, zyrtarëve dhe tifozëve të KF Vëllaznimit.

/Telegrafi/