Bella Hadid shkëlqen në fushatën e re me një fotosesion të veçantë

Bella Hadid ka mahnitur ndjekësit me një set të ri fotografish ku shfaqet në një top bikini dhe pantallona të shkurta teksa hip në një kalë të bardhë.

Këto imazhe janë pjesë e bashkëpunimit të saj me Frankie’s Bikinis, të cilat marka i ndau në rrjetet sociale.

Duke qenë një kalorëse e apasionuar, Bella solli një atmosferë autentike në këtë fotosesion, që rikujton edhe rolin e saj në serialin “Yellowstone”, ku luajti Sadie, të dashurën e një kalorësi rodeo.

Për këtë rol, ajo kishte sjellë vetë çizmet dhe kapelën, duke reflektuar stilin e saj të jetesës, shkruan DailyMail.

Përtej modelingut, Bella po bën hapa të mëdhenj edhe në botën e biznesit me kompaninë e saj të parfumeve ‘Orebella’, e cila përfshin tre aroma unike me bazë vaji.

Ajo e nisi këtë projekt pas përvojave personale me acarimet e lëkurës, duke krijuar parfume që jo vetëm kanë aromë të qëndrueshme, por edhe hidratojnë lëkurën.

Së fundmi, modelja është zhvendosur në Teksas, ku po shijon një jetë më të qetë pranë të dashurit të saj, Adan Banuelos, një yll i njohur rodeo.

Bella ka treguar se ndihet më e lumtur dhe më në paqe me veten se kurrë më parë, duke thënë se për herë të parë nuk ka nevojë të vendosë një “maskë” për publikun.

Me një karrierë të suksesshme dhe projekte të reja emocionuese, Bella Hadid vazhdon të jetë një prej figurave më të ndjekura dhe me ndikim në botën e modës dhe biznesit. /Telegrafi/