A sëmuren mjekët?

Ndonëse ne e kemi mundësinë të qëndrojmë larg njerëzve të sëmurë, mjekët dhe infermierët nuk mund ta bëjnë këtë.

Është detyra e tyre të jenë pranë dhe të kujdesen për të sëmurët gjatë gjithë ditës, shkruan Wonderpolis.org.

Si arrijnë mjekët dhe infermierët që të mos sëmuren? Përgjigjja e thjeshtë është se nuk mund ta arrijnë këtë.

Mjekët dhe infermierët sëmuren ashtu sikurse të gjithë, herë pas here.

Shumë mjekë dhe infermierë kanë sistem imunitar të shëndetshëm, sepse janë ekspozuar vazhdimisht ndaj viruseve dhe mikrobeve të ndryshme. Megjithatë, edhe sistemi imunitar më i shëndetshëm nuk mund t’ju mbrojë nga çdo mikrob dhe virus i vetëm.

Mjekët dhe infermierët mund të vijnë në kontakt me mikrobet dhe viruset në shumë mënyra.

Ndonjëherë është përmes kontaktit të drejtpërdrejtë, si gjatë shtrëngimit të duarve ose prekjes gjatë ekzaminimit.

Në raste të tjera, mikrobet dhe viruset përhapen në mënyrë indirekte, si p.sh. përmes ajrit nga një teshtitje, ose viruset e mbetura në dorezën e derës.

Për të mos u sëmurur më shumë sesa duhet, mjekët bëjnë shumë nga të njëjtat gjëra që ju thonë të bëni për të qëndruar të shëndetshëm.

Ata hanë siç duhet dhe pushojnë shumë. Ata gjithashtu ushtrojnë dhe përpiqen të mbajnë trupin në top formë.

Në punë, ata i lajnë duart rregullisht. Ata gjithashtu pastrojnë në mënyrë rutinore sendet që prekin shpesh, si stetoskopët dhe tastierat e kompjuterit. /Telegrafi/