LAJMI I FUNDIT:

Ushtrimet kundër spondilozës: Pengoni ngurtësimin e kurrizit dhe dhembjen me ndihmën e disa ushtrimeve ditore

Ushtrimet kundër spondilozës: Pengoni ngurtësimin e kurrizit dhe dhembjen me ndihmën e disa ushtrimeve ditore

Ngurtësimi i kurrizit apo spondiloza është njëri ndër problemet më të shpeshta shëndetësore të kohës moderne.

Spondiloza mund të pengohet dhe prandaj ekzistojnë ushtrime të efektshme, mirëpo kjo sëmundje është mjaft e kushtëzuar edhe me gjenetikën, transmeton Telegrafi.

Aktiviteti i pamjaftueshëm fizik, qëndrimi i keq i trupit, profesionet të cilat nënkuptojnë qëndrimin ulur në kohë të gjatë, pushimi në pozitë të padrejtë dhe pesha e tepërt trupore – janë vetëm disa nga shkaktarët ndaj të cilëve mund të veproni në mënyrë preventive.

Ngurtësimi mund të përfshijë cilëndo pjesë të kurrizit, mirëpo kryesisht fjala është për dhembjet e qafës dhe të zonës së supeve dhe shpatullave, si edhe sindromës cervikale dhe lumbale.

Simptomat siç janë dhembja e qafës, marramendja, dhembjet dhe therjet në duar dhe këmbë, dobësia e muskujve dhe zvogëlimi i ndjenjës së prekjes janë shenja serioze që tregojnë se duhet të kërkoni ndihmën e mjekut.

Për të eliminuar këtë, është e domosdoshme të forconi muskulaturën, prandaj këto janë vetëm disa nga ushtrimet të cilat mund t’ju ndihmojnë në këtë drejtim.

“Hapja” e gjunjëve

Duart shtrini pranë trupit, ndërsa këmbët lakoni. Lehtë ngrini kokën, pastaj qafën dhe pjesën e sipërme të shpatullave derisa njëkohësisht me duar i hapni gjunjët. Qëndroni në pozitën e kokës së ngritur dhe të shpatullave rreth 5 sekonda dhe përsëriteni ushtrimin dhjetë herë.

Dora-këmba

Merrni pozitën “këmbadoras”. Shuplakat duhet të jenë të vendosura në atë mënyrë që t’i përshtaten gjerësisë së supeve dhe shikimin drejtojeni midis shuplakave. Ngrini njëkohësisht këmbën dhe dorën e kundërt dhe qëndroni në linjë me trupin disa sekonda. Përsëriteni këtë ushtrim nga të dyja anët.

Bërja e rezistencës

Shtrijuni në shpinë, lakoni këmbët në gjunjë dhe bërrylat nën këndin prej 90 gradësh dhe shtrëngoni shuplakat. Shtrëngoni muskujt e barkut derisa me pjesën e poshtme të trupit shtrëngoni bazën. Derisa jeni duke nxjerrë frymën, mbani shtypjen të cilën e bëni disa sekonda. Përsëriteni këtë ushtrim dhjetë herë me pauza prej dhjetë sekondash.

Shtytja e niveluar

Shtrijuni në stomak dhe mbështetuni në llëra. Ngrini trupin nga baza me shtrëngim të muskujve të shpinës, stomakut dhe komblikut, duke u ngritur në maja të gishtave. Koka, shtylla kurrizore dhe këmbët duhet të jenë në të njëjtin nivel. Mbani pozitën e muskujve të shtrënguar pesë sekonda dhe përsëriteni ushtrimin dhjetë herë me pauza prej 10 sekondash. /Telegrafi/

Në trend Shëndetësi

Më shumë
Tetë mënyra efektive për të ndaluar dhimbjen e dhëmbit në kushte shtëpie

Tetë mënyra efektive për të ndaluar dhimbjen e dhëmbit në kushte shtëpie

Shëndetësi
Kalo në kategori