JD Vance kritikon lirinë ‘e tepruar’ në Evropë – godet Britaninë dhe Gjermaninë

Në Konferencën e Sigurisë në Munichut, zëvendëspresidenti amerikan ka folur në mënyrë kritike për çështjet e lirisë.

Ai ka vënë në shënjestër disa vende, përfshirë Mbretërinë e Bashkuar dhe Gjermaninë, shkruan skynews.

“Dhe, për fat të keq, kur shoh sot Evropën, nuk është gjithmonë e qartë se çfarë ndodhi me disa nga fituesit e Luftës së Ftohtë”, tha ai.

“Dhe ndoshta më shqetësuesja është se shoh drejt miqve tanë shumë të dashur, Mbretërisë së Bashkuar, ku tërheqja nga të drejtat e ndërgjegjes ka vënë liritë themelore të britanikëve që janë besimtar, në veçanti, në shënjestër”, ka pohuar Vance.

Lexo po ashtu "SHBA do të dërgojë trupa në Ukrainë nëse nuk arrihet paqja", zëvendëspresidenti amerikan paralajmëron Rusinë

Zyrtari amerikan iu referua konkretisht 51-vjeçarit, Adam Smith-Connor, i cili u dënua në muajin tetor të vitit të kaluar për shkeljen e zonës së sigurt rreth një qendre aborti.

“Pasi forcat britanike të rendit e vunë re dhe kërkuan të dinin për çfarë po lutej, Adam u përgjigj thjesht se po lutej për djalin e palindur që ai dhe ish-e dashura e tij kishin abortuar vite më parë”, shtoi Vance.

Ndryshe, dënimi i Smith-Connor nuk lidhej me mendimet e tij ndërsa ndodhej në zonën e sigurt. /Telegrafi/