Eurodeputeti slloven nominon Muskun për Çmimin Nobel për Paqe

Miliarderi dhe sipërmarrësi i njohur Elon Musk është nominuar për Çmimin Nobel për Paqe për kontributin në avancimin e lirisë së fjalës, një vlerë thelbësore e shoqërive demokratike.

Përpjekjet e afrikano-amerikanit për të mbështetur një mjedis më të hapur për shprehjen e lirë janë vlerësuar si një hap i rëndësishëm në mbrojtjen e të drejtave themelore të njeriut dhe promovimin e dialogut të lirë në nivel global.

Lexo po ashtu Feride Rushiti nominohet për Çmimin Nobel për Paqe 2025

Anëtari slloven i Parlamentit Evropian, Branko Grims, ka qenë forca lëvizëse pas kësaj nominimi, duke argumentuar se angazhimi i Muskut për mbrojtjen e fjalës së lirë është një kontribut i drejtpërdrejtë për paqen dhe stabilitetin shoqëror.

“Propozimi që zoti Elon Musk, për mbështetjen e tij të vazhdueshme për të drejtën themelore njerëzore të lirisë së fjalës dhe, në këtë mënyrë, për paqen, të marrë Çmimin Nobel për Paqe 2025, u dorëzua sot me sukses. Falënderime të sinqerta për të gjithë bashkëpropozuesit dhe për këdo që ndihmoi në këtë projekt sfidues,” tha eurodeputeti slloven.

The proposal that Mr. Elon Musk, for his consistent support for the fundamental human right of freedom of speech and thus for peace, receives the Nobel Peace Prize 2025, was successfully submitted today. Sincere thanks to all the co-proposers and everyone who helped with this… pic.twitter.com/QdI4fnbzdU

— Branko Grims (@BrankoGrimsX1) January 29, 2025

Nominimi i Muskut për këtë çmim prestigjioz vjen në një kohë kur debati mbi kufijtë e lirisë së fjalës dhe rolin e platformave digjitale në demokraci është më i nxehtë se kurrë. Përmes blerjes dhe reformimit të rrjetit social X (ish-Twitter), Musk ka theksuar rëndësinë e një hapësire komunikimi ku mendimet e ndryshme mund të shprehen lirshëm, pa frikë nga censura apo ndërhyrjet politike.

Megjithatë, qasja ndaj moderimit të përmbajtjes ka ngjallur edhe kritika, me disa që argumentojnë se liria e pakufizuar e shprehjes mund të çojë në përhapjen e dezinformimit dhe urrejtjes në internet.

Pavarësisht debatit, mbështetësit e nominimit të tij besojnë se përpjekjet e tij për një diskurs më të hapur dhe të pakufizuar e bëjnë atë një kandidat të denjë për Çmimin Nobel për Paqe.

Ndryshe, drejtoresha e Qendrës për Rehabilitimin e të Mbijetuarve të Torturës, Feride Rushiti, ka bërë të ditur se ajo dhe (QKRMT) janë nominuar për Çmimin Nobel për Paqe 2025. /Telegrafi/