Real Madridi synon ta përforcojë portën me talentin turk të Trabzonsporit

Real Madridi po monitoron nga afër portierin turk të Trabzonsporit, Onuralp Cevikkan, para një transferimi të mundshëm sipas mediave spanjolle. 

Reprezentuesi i grupmoshave të Turqisë është njëri ndër portierët e rinj më të dalluar në elitën e futbollit turk. 

Gazeta spanjolle AS ka raportuar se skautët e Real Madridit ishin të pranishëm për ta përcjellë atë në sfidën mes grupmoshave U18 të Turqisë dhe Spanjës. 

Cevikkan ka qenë pjesë e Trabzonspor që nga viti 2023, pasi iu bashkua atyre nga Altinordu për shumën e 700 mijë eurove. 

🚨 NEW: Real Madrid are interested in 18yo Turkish GK Onuralp Çevikkan. They want him for Castilla. @diarioas 🇹🇷🧤 pic.twitter.com/jCH57fhl9X

— Madrid Zone (@theMadridZone) January 27, 2025

19-vjeçari ka marrë një herë ftesën në ekipin e parë të Trabzonsporit, por nuk ka bërë ende debutimin e tij ani pse është shumë i vlerësuar brenda klubit. 

Real Madridi po synon që të shtojë më shumë lojtarë të rinj dhe kualitativ në radhët e tyre, dhe tashmë Cevikkan po konsiderohet si njëri prej tyre. 

Skuadra e Carlo Ancelottit mund të duhet të paguajë deri në 10 milionë euro për të siguruar shërbimet e tij këtë muaj. 

Në rast se Cevikkan transferohet tek Real Madridi, atëherë ai do të ribashkohej me bashkëvendasin e tij Arda Guler./Telegrafi/