Barcelona është në rrugën e duhur që të sigurojë të ardhura prej 50 milionë euro nga Liga e Kampionëve

Fitorja mahnitëse me rikthim të martën ndaj Benficas do të thotë që Barcelona shkon në raundin e fundit të fazës së ligës në vendin e dytë.

Ata tashmë e kanë siguruar vendin automatikisht në 1/16 e Ligës së Kampionëve, megjithëse kjo nuk do të thotë se ndeshja e javës së ardhshme kundër Atalantës është e parëndësishme për skuadrën e Hansi Flick.

Pas një humbjeje në ndeshjen hapëse ndaj AS Monaco, Barcelona është rikthyer në Ligën e Kampionëve.

Ata kanë fituar gjashtë ndeshjet e tyre të ardhshme në fazën e ligës (kundër Young Boys, Bayern Munich, Crvena Zvedza, Brest, Borussia Dortmund dhe Benfica), dhe pas kësaj ecurie ata ende mund të përfundojnë në krye, megjithëse ata duhet të fitojnë dhe Liverpooli të pësojë humbje ndaj PSV Eindhoven.

Deri tani, Barcelona ka grumbulluar 41.2 milionë euro si rezultat i rezultateve të saj në fazën e ligës.

Lexo po ashtu Zbulohet lista zyrtare me klubet që kanë shpenzuar më së shumti në dekadën e fundit dhe ka një fitues të qartë

Nëse ata sigurojnë fitoren kundër Atalantës javën e ardhshme, kjo shifër mund të rritet në 53.3 milionë euro, edhe pse kjo do të varet edhe nga humbja e Liverpoolit.

Por edhe nëse katalanasit përfundojnë në vendin e dytë, shuma e fituar do të jetë shumë e ngjashme me atë q u cek më lartë, shkruan AS.

Barcelona është e vendosur të fitojë sa më shumë para që të jetë e mundur për të rivendosur barazinë financiare në vitet e ardhshme dhe shumë rrugë të ndryshme po eksplorohen nga zyrtarët e klubit. /Telegrafi/