Mbappe: Të jesh në Real Madrid gjithmonë një ëndërr 

Sulmuesi i Real Madridit, Kylian Mbappe, ka shprehur kënaqësinë e tij për të luajtur për gjigantët spanjollë, duke e përshkruar përvojën e tij si një “ëndërr” të realizuar.

Mbappe, i cili ka qenë në formë mbresëlënëse kohët e fundit, duke përfshirë një dygolësh kundër Las Palmas, zbuloi se i pëlqen presioni për të performuar në nivelin më të lartë.

“Të jesh këtu në Madrid është gjithmonë një ëndërr. Sa herë që kam mundësinë të luaj këtu ndihem i lumtur”, ka thënë fillimisht Mbappe.

“Edhe kur nuk luaja mirë, ishte faji im, i askujt tjetër dhe tani jam më mirë”.

☝️@KMbappe ☝️#RealMadridLasPalmas pic.twitter.com/YcwD0Nqv2F

— Real Madrid C.F. 🇬🇧🇺🇸 (@realmadriden) January 19, 2025

Mbappe gjithashtu theksoi nevojën e tij për presionin intensiv që vjen me të luajturit për një klub si Real Madrid.

“Kërkesat e Real Madridit? Më duhet. Më duhet presioni. Më duhet të ndiej se gjithmonë duhet të bëj më shumë”, përfundoi francezi.

Lexo po ashtu Vogëlushi shqiptar që kaloi sigurimin në "Santiago Bernabeu" dhe mori përqafimin dhe fanellën e Kylian Mbappe

Komentet e yllit francez vijnë pas paraqitjes së tij të spikatur kundër Las Palmas, ku ai shënoi dy gola për të ndihmuar Real Madridin të sigurojë një fitore 4-1.

Mbappe do të kërkojë të vazhdojë formën e tij mbresëlënëse në Ligën e Kampionëve, ku Real Madridi do të përballet me sfidën e radhës. /Telegrafi/