Lojtari që konsiderohet si “Mascherano i ri” bëhet objektiv kryesor i Milanit për verën

Milani raportohet se ka shprehur interesim për mesfushorin e Portos, Alan Varela dhe synojnë transferimin e tij në afatin kalimtar veror. 

Ani pse afati kalimtar dimëror po vazhdon, Milani tashmë ka filluar të bëjë planet për objektivat e tyre në verë. 

Mesfusha është një pozicion që ‘Rossonerët’ synojnë ta përforcojnë dhe për ta bërë këtë tashmë kanë dy emra në mendje. 

Siç qëndrojnë gjërat, Tijjani Reijnders dhe Youssouf Fofana konsiderohen ‘të paprekshëm’ nga mesfusha e Milanit. 

Lexo po ashtu Jo vetëm Joao Felix, Milan po e përcjellë anësorin e Barçës dhe sulmuesit e Man Utd

Yunus Musah është gjithashtu në plane, por ai ka raste aktivizohet edhe në krahun e djathtë, teksa Ismael Bennacer po vuan nga lëndimet e shpeshta.  

Sipas një raportimi nga Gianluca Di Marzio, Varela është njëri prej tyre. Trajneri Sergio Conceicao e njeh mirë atë nga koha e tyre së bashku tek Porto dhe drejtuesit mund ta përdorin këtë në avantazhin e tyre. 

Një tjetër emër në listë është reprezentuesi italian Samuele Ricci, përkundër faktit që ai nënshkroi kontratë të re para hapjes së afatit kalimtar të janarit./Telegrafi/