E konfirmojnë nga Spanja: Ancelotti po largohet nga Real Madridi

Trajneri italian, Carlo Ancelotti, ka vendosur që të mos vazhdojë më tek Real Madridi duke filluar nga vera e ardhshme. 

Këtë e ka bërë të ditur mediumi spanjoll Onda Cero, të cilët kanë konfirmuar se vendimi i Ancelottit është i prerë dhe nuk do të ndryshojë pa marrë parasysh. 

Italiani i cili rinovoi kontratën e tij me Realin në dhjetor të 2023, pikërisht kur u përfol më së shumti për një kalim të tij tek Kombëtarja e Brazilit, duket se dëshiron ta përmbyllë aventurën e tij me gjigantin spanjoll. 

I rikthyer për herë të dytë tek Real Madridi, Ancelotti ka arritur aq shumë sa që është bërë tashmë edhe trajneri më i suksesshëm në histori të klubit. 

🚨 Ancelotti ha decidido no seguir la próxima temporada en el Real Madrid https://t.co/XOjqa12nMJ

✍🏻 @edupidal

— Radioestadio Noche (@RadioestadioN) January 20, 2025

Pavarësisht se ka kontratë me klubin, Ancelotti raportohet se po insiston që ta mbyllë përfundimisht aventurën me madrilenët në verë. 

Kjo nuk do të thotë se ai do të pensionohet nga futbolli, pasi mundësia që të marrë drejtimin e Brazilit ekziston ende. 

Kujtojmë se favoriti kryesor tashmë për të marrë drejtimin e Real Madridit sezonin e ardhshëm është Xabi Alonso i cili momentalisht është në krye të Bayer Leverkusen./Telegrafi/