“Është një turp, një skandal”, presidenti i Barcelonës ‘shpërthen’ pas barazimit ndaj Getafes

Barcelona u ndal me barazim mbrëmjen e së shtunës ndaj Getafes, duke mos arritur ta ruajnë epërsinë të cilën e gjetën me anë të Jules Kounde. 

Sidoqoftë, kjo ndeshje u përcoll me disa vendime të diskutueshme të gjyqtarit, mbi të cilat pati një debat të madh pas përfundimit të sfidës. 

Teksa po i afroheshim fundit të ndeshjes, Kounde u rrëzua brenda zonës pas një dueli me Chrisantus Uche, por ajo nuk ishte e mjaftueshme për gjyqtarin që ta akordojë penallti. 

Në këtë rast VAR-i nuk intervenoi aspak dhe kjo duket se e ka zemëruar tej mase presidentin e Barcelonës, Joan Laporta. 

Lexo po ashtu Objektivi i Barcelonës për verën preferon që t’i bashkohet Arsenalit

Laporta ishte i pranishëm në gjykatë të hënë për të dëshmuar për një rast mashtrimi prej 4.7 milionë eurosh, aty ku mbi të rëndojnë akuzat se ka mashtruar investitorët. 

“Ndarja e drejtësisë ndaj Getafes ishte një turp. Ata nuk akorduan një penallti për Kounde, kjo është skandal. Një skandal. Ju duhet ta përsërisni këtë më shpesh”, ka thënë ai. 

Kjo nuk është hera e parë dhe me gjasë as e fundit që Laporta ka drejtuar gishtin drejt gjyqtarit kur gjërat nuk shkojnë mirë për Barcelonën. 

Sezonin e kaluar ai akuzoi Real Madridin se është ajo që ka përfituar më së shumti nga vendimet e tyre në histori të këtyre dy klubeve./Telegrafi/