Emri i Endrick futet në mesin e legjendave të Real Madridit pas dy golave ndaj Celta Vigos

Endrick i është bashkuar një liste ekskluzive të legjendave të Real Madridit aty ku bën pjesë edhe Cristiano Ronaldo, pas dy golave që shënoi në Copa Del Rey. 

Real Madridi pati një epërsi prej dy golave pasi Kylian Mbappe dhe Vinicius Jr shënuan secili nga një gol, por gjithçka kolapsoi në fund kur Celta Vigo barazoi gjithçka. 

Carlo Ancelotti u desh që ta freskojë ekipin dhe për këtë arsye Endrick u fut në fushë. 

Pas hyrjes së tij në lojë, 18-vjeçari ndryshoi rrjedhën e lojës duke shënuar dy gola të cilët i siguruan ‘Los Blancos’ një vend në çerekfinale të kësaj kupe. 

Ky kontribut i Endrick jo vetëm se i mbajti gjallë shpresat e Real Madridit për ta fituar Copa Del Rey, por i siguroi atij një vend në një listë ekskluzive me lojtarë që kanë bërë histori me klubin. 

🚨 Real Madrid players who scored 2 goals in extra-time:

• Santiago Bernabéu in 1916
• Sotero Aranguren in 1916
• Santillana in 1986
• Cristiano Ronaldo in 2016 & 2017
• Endrick in 2025@2010MisterChip pic.twitter.com/FgeP3XwcTp

— Madrid Xtra (@MadridXtra) January 17, 2025

Sipas statistikave të publikuara nga MisterChip, Endrick është bërë lojtari i pestë në histori të Real Madridit që shënon dy gola në kohën shtesë. 

Në këtë listë ka figura legjendare si Santiago Bernabeu, Sotero Aranguren, Santillana dhe Cristiano Ronaldo. 

Bernabeu dhe Aranguren e arritën këtë rekord në 1916, Santillana po ashtu në të njëjtin vit, teksa Ronaldo e arriti në 2016 dhe 2017. 

Pas kësaj fitore dramatike, Real Madridi tani do ta kthejë vëmendjen tek La Liga, aty ku kampioni në fuqi i Spanjës të dielën do ta presë në shtëpi Las Palmas./Telegrafi/