LSDM: Qeveria ka gjashtë miliardë euro buxhet, por nuk dëshiron t’i rrisë pagat e punëtorëve

LSDM e ka akuzuar Qeverinë se nuk dëshiron të rrisë pagat e punëtorëve, edhe pse siç thonë nga LSDM, buxheti i Qeverisë është 6 miliardë euro.

“Qeveria e Mickoskit dhe OBRM-PDUKM-së ka buxhetin më të madh në histori prej 6 miliardë euro dhe nuk dëshiron të rrisë pagat e punëtorëve të sektorit publik. Është e turpshme dhe e trishtueshme që punëtorët detyrohen të protestojnë duke kërkuar diçka që e meritojnë”.

“Për çfarë është ai buxhet prej 6 miliardë eurosh nëse jo për të mbështetur qytetarët dhe punëtorët? Padyshim që të pasurohen qeveritarët, për pagat e tyre, për vetura, mobilie, lluksin e qeverisë si dhe kënaqja e interesave të elitës, por jo edhe për paga më të larta për punëtorët, thuhet në njoftimin e LSDM-së.

“Sistemi i rritjes së pagave i vendosur nga LSDM-ja është braktisur plotësisht nga qeveria aktuale, duke rezultuar në përkeqësim të standardit jetësor të punëtorëve. Këtë e vërtetojnë të dhënat e fundit të Entit Shtetëror të Statistikave, të cilat tregojnë se kostoja e jetesës është rritur me 4,4% dhe çmimet e produkteve bazë janë rritur me 4,3%. LSDM është në anën e punëtorëve dhe kërkon që Qeveria urgjentisht të ndërmarrë hapa për rritjen e pagave në sektorin publik”, thonë nga LSDM.