Arsenali theu rregullat e FA Cup në derbin ndaj Man Utd me një gjest të pahijshëm

Arsenali është kritikuar për thyerje të rregullave të FA Cup në duelin ndaj Manchester United që po zhvillohet në ‘Emirates’.

Dy gjigantët e futbollit anglez u takuan në rrethin e tretë të FA Cup, ku asnjëra prej tyre nuk kishin veshur fanellat e tyre tradicionale.

Por tifozët vërejtën një detaj interesant në këtë takim, që ishte numri i madh i ulëseve bosh në shkallët e stadiumit.

Blloku i ulëseve të kuqe në katin e sipërm të stadiumit ishte i boshatisur, por ka një arsye më komplekse pse ka ndodhur kjo.

Rregullat e FA Cup nënvizojnë se tifozët mysafirë lejohen që të jenë 9,000 të tillë në stadium, por tifozët e Unitedit morën vetëm 8,000 bileta.

Sipas një raportimi nga Daily Mail, ky vendim është marrë për ‘arsye sigurie’. Të palumtur me këtë lëvizje, Unitedi u përpoq të merrte edhe 1,000 bileta të tjera, por përpjekjet ishin të dështuara.

Ata më pas sugjeruan që biletat e mbetura t’i dhurohen familjeve dhe fëmijëve që lidhen me kompanitë e tyre të bamirësisë, por as këtu nuk pati rezultat./Telegrafi/