Botë Nga Bota Evropa

“Skena që të kujtojnë luftën civile”, nata e Vitit të Ri në Gjermani

Para 3 jave

Natën e Vitit të Ri në Gjermani, ndodhën incidente me mjete piroteknike, sulme ndaj ekipeve të shpëtimit dhe policisë, si dhe reagime politike për forcimin e ligjeve.

Pesë viktima dhe dëme në Berlin hapin pyetjen për sigurinë dhe përgjegjësinë, raporton deutsche welle.

“Shumica e vendeve në Gjermani e nisën vitin e ri në mënyrë paqësore dhe të gëzuar”, tha ministrja federale e Punëve të Brendshme, Nancy Faeser, duke përmbledhur natën e Vitit të Ri. Në të njëjtën kohë, politikania e SPD-së dënoi të gjithë qytetarët që penguan punën e policisë, zjarrfikësve dhe shërbimeve emergjente duke përdorur mjete piroteknike “kryerësit duhet të ndëshkohen me të gjithë forcën e ligjit”.

New Year’s Eve in Berlin

🇩🇪 pic.twitter.com/uA02eBOBHd

— Visegrád 24 (@visegrad24) January 2, 2025

Debati politik mbi pasojat e incidenteve gjatë natës së Vitit të Ri është intensifikuar. Ministri i Punëve të Brendshme i Bavarisë, Joachim Herrmann, foli për “situata që ngjajnë me luftën civile”. Duke iu referuar ngjarjeve në Berlin, ai tha se “nëse njerëzit plagosen rëndë, nëse ndërtesa të tëra shkatërrohen me mjete shpërthyese, atëherë është kaluar një vijë e kuqe”.

Nënkryetari i Grupit Parlamentar të SPD-së në Bundestag, Dirk Wiese, tha për gazetën Welt se është koha që të forcohet mbrojtja ligjore e ekipeve të shpëtimit. Ish-ministri i Drejtësisë, Marco Buschmann, sipas Wiese, nuk ka ndërmarrë hapat e nevojshëm. Wiese kërkoi nga CDU/CSU që “të ndërpresë politikën e bllokadës në këtë çështje dhe të mbështesë propozimin e ligjit që synon mbrojtjen më të mirë të ekipeve të shpëtimit”.

Sindikatat e punonjësve të policisë (GdP) shprehën shqetësim për kërkesat gjithnjë e më të mëdha për staf që mbron qytetarët dhe ekipet e shpëtimit. Kryetari i GdP-së, Jochen Kopelke, deklaroi se janë shfrytëzuar të gjitha mundësitë përkatëse në këtë aspekt. Sulme ndaj policisë dhe zjarrfikësve janë regjistruar në Berlin, Mynih, Koln, Leipzig dhe Hamburg.

Në Berlin gjatë natës së Vitit të Ri, sipas autoriteteve dhe policisë lokale, u plagosën 37 policë dhe një zjarrfikës. Një oficer i policisë mori lëndime të rënda, ka të ngjarë nga shpërthimi i një mjeti piroteknik të paligjshëm.

Në Leipzig, rreth 50 persona sulmuan policinë me mjete piroteknike dhe shishe. Në Mynih, gjatë natës së Vitit të Ri, shpërthyen incidente me qindra persona, disa prej të cilëve sulmuan punonjësit e policisë. Një zëdhënës i policisë tha se bëhej fjalë për një grup prej 200-300 personash nga spektri i majtë.

New Year’s Eve in Berlin

🇩🇪 pic.twitter.com/mpWLUz8Vm3

— Visegrád 24 (@visegrad24) January 2, 2025

Kreu i GdP-së, Kopelke, komentoi dhe bilancin tragjik të natës së Vitit të Ri. Pesë persona humbën jetën nga përdorimi i mjeteve piroteknike.

“Ky është një bilanc i tmerrshëm për ditën e parë të vitit të ri”, tha Kopelke. Të plagosurit, si dhe pamjet nga rrjetet sociale, tregojnë se fishekzjarret e zakonshme nuk janë më të mjaftueshme për shumë njerëz “Po kërkohen shpërthime më të mëdha, më shumë zjarr”.

Për shkak të mjeteve piroteknike të paligjshme dhe atyre të destinuara për fishekzjarre profesionale, të cilat nuk ishin në dispozicion për shitje, dëmi më i madh u regjistrua në Berlin. Sipas zjarrfikësve, një shpërthim i madh në lagjen Schöneberg dëmtoi shumë fasada ndërtesash, dhe xhamat e dritareve shpërthyen. Banorët e 36 apartamenteve duhej të largoheshin përkohësisht nga shtëpitë e tyre, ndërsa dy persona u dërguan në spital. Një zëdhënës i shërbimit të zjarrfikësve të Berlinit tha se pamja në terren dukej si “fushë beteje.”

Jochen Kopelke veçanërisht kritikoi sjelljen e djemve të rinj në lagjet e njohura si zona sociale, ku edhe një herë u sulmuan policët dhe ekipet e shpëtimit.

“Nuk e durojnë më këtë sjellje macho në rrugë dhe në rrjetet sociale”, tha Kopelke për mediat e grupit Funke.

Ai kërkoi dënime të shpejta për sulmuesit “Në Leipzig, Mynih, Koln dhe Hamburg ishim targetuar dhe sulmuar. Nevojiten pasoja të shpejta dhe të ashpra për sulmuesit, si dhe për anëtarët e skenës ekstreme të majtë”. /Telegrafi/