FFK-ja me ‘dorë të hekurt’ ndaj Llapit – i shqipton dënime të ashpra

Komisioni Disiplinor dhe Etikës ka marrë sot (e premte) vendimin e tyre për ngjarjet që ndodhën gjatë ndeshjes me Llapin dhe Dukagjinin, e cila u zhvillua në kuadër të javës së 18-të në elitën e futbollit kosovar. 

Në atë sfidë ishin dëmtuar pajisjet e sistemit VAR ndërsa pas përfundimit të ndeshjes ka pasur edhe kërcënime në drejtim të gjyqtarëve. 

Përveç kësaj pati ofendime të rënda në drejtim të tyre si dhe ndaj organeve kompetente të FFK-së. 

Për të gjitha këto është marrë vendimi që KF Llapi të paguajë një shumë prej 10 mijë eurosh. 

Lexo po ashtu Llapi ndan rrugët me tre anëtarë të stafit të trajnerëve pas rezultateve të dobëta

Dënimit nuk i shpëtoi as përfaqësuesi zyrtar i Llapit, Muhamet Rexhepi i cili dëmtoi kabllot e sistemit VAR që dërgojnë sinjalin në fushë tek gjyqtari. 

Për veprimet e tij ai është dënuar me një vit mosushtrim të detyrës zyrtare në ngjarjet e organizuara nga FFK-ja. 

Këtyre dënimeve nuk i shpëtoi dot as trajneri i Llapit, Tahir Batatina i cili për kërcënimet që bëri në drejtim të gjyqtarëve, është dënuar me katër ndeshje mosushtrim të detyrës zyrtare. 

Dënim mori edhe një zyrtar tjetër i Llapit, Besart Hoti i cili është dënuar me tre muaj mosushtrim të detyrës zyrtare për goditje të pajisjeve të sistemit VAR. 

Drita është dënuar po ashut me 1000 mijë euro, ndërsa drejtori i saj, Feti Muresli me tre muaj mosushtrim të detyrës zyrtare për ofendim të gjyqtarit./Telegrafi/