Nga 1 janari hyn në fuqi një Rregullore e re për përdorimin e dronëve në RMV

Nga 1 janari 2025, në Maqedoni do të fillojë të zbatohet Rregullorja e re për përdorimin e dronëve . Rregullorja bazohet në ligjet evropiane BE 2019/945 dhe 2019/947 dhe me to Maqedonia do t’i zbatojë plotësisht këto rregullore. BE 2019/945 dhe 2019/947 kanë të bëjnë me sistemet e dronëve dhe rregullat për funksionimin e tyre.

Në periudhën e kaluar, Agjencia e Aviacionit Civil ka riregjistruar të gjithë dronët tashmë të regjistruar. Gjatë kësaj periudhe agjencia ka kontaktuar edhe me pronarët e dronëve për të cilët nevojiteshin informacione shtesë.

Ndoshta lajmi më i këndshëm për të gjithë pronarët e dronëve është njoftimi për lançimin e një aplikacioni në internet për raportimin e fluturimeve. Aplikacioni duhet të jetë i disponueshëm në fillim të vitit 2025 dhe do ta bëjë kontrollin e fluturimit shumë më të lehtë. Ndryshe nga procedura e mëparshme, në të cilën fluturimi duhej të regjistrohej 24 orë më herët, tani fluturimi do të mund të regjistrohet menjëherë para nisjes. Përdoruesit që kanë krijuar tashmë një profil do të duhet vetëm të zgjedhin vendndodhjen në hartë.

Për informacion më të detajuar rreth këtyre rregulloreve, mund të vizitoni lidhjen: Rregullat e EASA Easy Access ./Alsat/