Trupat britanike mund të vendosen në Ukrainë për të trajnuar ushtarë në një zgjerim dramatik të mbështetjes së MB për Kievin

Trupat britanike mund të dislokohen në Ukrainë për të trajnuar ushtarë në një zgjerim dramatik të mbështetjes së Mbretërisë së Bashkuar për Kievin, sugjeron sekretari i mbrojtjes

Trupat e Mbretërisë së Bashkuar mund të dislokohen në Ukrainë për të trajnuar forcat atje, ndërsa sekretari i mbrojtjes kërkon që Britania “t’i ndihmojë të motivojë dhe mobilizojë më shumë rekrutë”.

John Healey i tha The Times, gjatë një vizite në Ukrainë të mërkurën, se Mbretëria e Bashkuar duhet të “bëjë trajnimin më të përshtatshëm për atë që ukrainasve u nevojitet”, shkruajnë mediat e huaja, përcjell Telegrafi.

Të enjten, Britania tha se do të dërgonte 225 milionë funte (rreth 272 milionë euro) shtesë pajisje ushtarake në Ukrainë për ta ndihmuar atë në luftën kundër Rusisë.

Healey tha se Mbretëria e Bashkuar ka një plan me pesë pika për të rritur mbështetjen e saj, duke përfshirë trajnimin, armët dhe paratë.

Forcat britanike kanë trajnuar mbi 51,000 rekrutë ukrainas në Mbretërinë e Bashkuar që nga fillimi i pushtimit në shkallë të plotë, por komentet e fundit sugjerojnë një ndryshim të mundshëm në politikë.

Kujtojmë se Zelensky mbajti diskutime të reja me Emmanuel Macron të Francës të mërkurën rreth propozimit të presidentit francez për të vendosur trupa në Ukrainë si një mjet për të arritur një paqe të qëndrueshme.

“Ne ndajmë një vizion të përbashkët: garancitë e besueshme janë thelbësore për një paqe që mund të arrihet vërtet”, shkroi presidenti ukrainas në një postim në X.

Zelensky u tha gazetarëve se bisedimet në Bruksel – duke përfshirë Sekretarin e Përgjithshëm të NATO-s Mark Rutte – ishin “një mundësi shumë e mirë për të folur për garancitë e sigurisë për Ukrainën për sot dhe për nesër”. /Telegrafi/