Dwayne ‘The Rock’ Johnson zbulon të vërtetën prapa muskujve të tij epikë për Moana, pas teorisë virale të fansave

Dwayne “The Rock” Johnson ka sqaruar spekulimet lidhur me fizikun e tij epik si Maui në adaptimin live-action të Disney-së, “Moana”.

Aktori 52-vjeçar zbuloi se për skenat e tij si gjysmëperëndia polineziane, kishte përdorur një kostum të përpunuar trupor, një proces që kërkonte disa orë për t’u kompletuar çdo ditë.

Në një intervistë përpara publikimit të vazhdimit të “Moana 2”, Dwayne u shpreh se ishte i kënaqur që transformimi vizual ishte kaq bindës.

“Është një kostum që kërkon shumë kohë për t’u veshur. Kur njerëzit thonë ‘je shëndoshur’, kjo më gëzon sepse nuk mund ta dallojnë që është i rremë” tha ai.

Pamjet e tij si Maui në Hawaii, ku u pa me tatuazhet e personazhit, grepin magjik dhe një fund tradicional me gjethe, ngritën dyshime mes fansave, të cilët spekuluan për përdorimin e një kostumi trupor.

Pavarësisht kësaj, Johnson e përqafoi rolin, duke e sjellë në jetë me detaje të imëta si flokët e gjatë dhe aksesorët tradicionalë.

Filmi live-action i “Moana” pritet të dalë në vitin 2026, ndërsa fansat mezi presin të shohin rikrijimin e kësaj aventure të dashur. /Telegrafi/