Jennifer Lopez duket tërheqëse në një xhup të hirtë dhe xhinse ndërsa takohet me avokaten e saj të divorcit

Jennifer Lopez u pa në Los Angeles, duke u përballur me drama në lidhje me shitjen e shtëpisë së saj dhe të ish-bashkëshortit, Ben Affleck, e cila është listuar me një çmim prej 68 milionë dollarësh.

Artisja, e cila u shfaq e veshur me një bluzë gri dhe xhinse të kaltra, duke treguar linjat e saj të tonifikuara, kishte takuar këtë javë avokaten e njohur të divorceve, Laura Wasser.

Lopez dhe Affleck e blenë pronën në maj të vitit 2023 për 60.8 milion dollarë (54.5 milionë euro) dhe kishin pranuar një ofertë prej 64 milion dollarësh (57.4 milionë euro) nga një çift nga New Jersey, shkruan DailyMail.

Megjithatë, shitja u ndal pasi blerësit u tërhoqën pas një humbjeje në familje, duke e lënë pronën jashtë kontratës.

Shtëpia, e njohur si Crestview Manor, ka 12 dhoma gjumi dhe një gamë të gjerë lehtësish luksoze, përfshirë një palestër dhe fusha sporti.

Burimet sugjerojnë se marrëveshja për shitjen e pronës do të ketë një rëndësi të madhe në ndarjen e pasurisë prej 550 milion dollarësh (493 milionë euro) të çiftit, të cilët u martuan në vitin 2022 pa një marrëveshje prenupsiale.

Lopez ka pasuri të vlerësuara në rreth 400 milion dollarë (359 milionë euro), ndërsa Affleck është i vlerësuar me një pasuri rreth 150 milion dollarë (134 milionë euro).

Pavarësisht përpjekjeve për të mbajtur marrëdhënie miqësore për fëmijët e tyre, burimet sugjerojnë se ndarja po bëhet gjithnjë e më e komplikuar, me disa çështje financiare që duhen sqaruar.

Edhe pse Lopez po përballet me një ndarje, ajo po e kalon mirë dhe ndjehet e lumtur me mbështetje nga familja dhe miqtë.

Ndërsa ata janë në procesin e ndarjes, duket se Lopez është e fokusuar në të mirën e fëmijëve të saj, përpara se të vazhdojnë me procedurat e divorcit. /Telegrafi/