Barcelona e ka mbyllur këtë afat kalimtar – nuk pritej goditje tjera edhe pse kanë shumë nevojë

Barcelona është përpjekur dëshpërimisht të nënshkruajë me të paktën edhe një lojtar, duke pasur parasysh mungesën serioze të fondit të lojtarëve që ka në qendrën e mbrojtjes dhe në mesfushë, tani shkaku i lëndimeve.  

Megjithatë, problemet e tyre financiare të dokumentuara mirë po e bëjnë të vështirë blerjen e emrave të rinj për skuadrën e Hansi Flick përpara mbylljes së afatit kalimtar të premten. 

Siç qëndrojnë gjërat, të vetmet blerje të ekipit të parë do të jenë Pau Victor dhe Dani Olmo.  

Ky i fundit nënshkroi gati tre javë më parë, por për shkak të mungesës së largimeve nga klubi, ai mundi të regjistrohej vetëm ditën e hënë. 

Ata do të jenë lojtarët e vetëm të nënshkruar nga Barcelona këtë verë, pasi Marca dhe Relevo kanë raportuar se klubi katalanas e konsideron të përfunduar afatin kalimtar.  

Kjo do të thotë gjithashtu se ka shumë të ngjarë që Eric Garcia – i cili ishte lidhur fort me një rikthim në Girona –  të qëndrojë. 

Barcelona mund të ketë pasur një fillim shumë të fortë të sezonit, duke fituar tre ndeshjet e para të La Ligas, por do të jetë një sezon shumë sfidues për Flick dhe lojtarët e tij.  

Kjo pasi mungesa e fondit të lotjarëv mund t’u kushtojë në fund. /Telegrafi/