Rohde: Krenar që Kosova e mbështeti Ukrainën, pavarësisht se ajo s’e ka njohur ende

Ambasadorët e QUINT-it dhe Zyra e BE-së në Kosovë, kanë organizuar të hënën një pritje për nder të Ditës Kombëtare të Ukrainës.

Ambasadori i Gjermanisë në Kosovë, Jorn Rohde, së bashku me kryeministrin Albin Kurti , Irina Synelnyk dhe ambasadorët tjerë të vendeve të QUINT-iti morën pjesë në një pritje në Bibliotekën Kombëtare të Kosovës, me rastin e Ditës Kombëtare të Ukrainës.

Gjatë fjalimit të tij, Rohde, i cili mbante një shall me ngjyrat e Ukrainës, shprehu mbështetjen e fortë të Kosovës për Ukrainën që nga fillimi i agresionit rus.

Ai theksoi se është krenar që Kosova ka qenë ndër vendet e para që ka ofruar mbështetje të pandërprerë për Ukrainën, krahas vendeve të Bashkimit Evropian, pavarësisht faktit që Ukraina ende nuk e ka njohur Kosovën si shtet.

“Qytetarët e Kosovës kanë ndjerë dhembjen e popullit ukrainas që nga fillimi i luftës. Prishtina ka mbështetur Kievin në shumë forma, duke përfshirë mbështetjen emocionale, ushtarake, dhe duke ofruar një strehë të sigurt për gazetarët ukrainas që u detyruan të largohen nga shtëpitë e tyre për shkak të luftës,” tha Rohde.

Ambasadori gjerman vuri në dukje se mbështetja e Kosovës për Ukrainën është shtrirë në shumë nivele, si në aspektin ushtarak ashtu edhe në atë politik, duke përmendur veçanërisht strehimin e gazetarëve ukrainas në Kosovë./Telegrafi/

Grateful to PM @albinkurti + Irina Synelnyk for their powerful contributions at today’s 🇺🇦 Independence Day celebration. Co-hosted by Quint embassies 🇫🇷🇩🇪🇮🇹🇬🇧🇺🇸+ 🇪🇺, @ECPMF & @AGK_AJK, the event highlighted our united support for 🇺🇦’s fight for freedom + democracy.
Slava Ukraini! pic.twitter.com/cy7mAhLrdz

— Ambassador Jörn Rohde (@GermanAmbKOS) August 26, 2024