Bejta i bashkohet shtëpisë së muzikës, SBS Entertainment

Ai është kthyer në një sensacion të kësaj vere me këngën e tij të famshme, “Lule”.

Fjala është për artistin Bejta, i cili ka marrë hov të madh me stilin dhe paraqitjen e tij, duke u cilësuar si një prurje që ka ndërruar lojën në estradë.

I njëjti u mësua së fundmi se i është bashkuar shtëpisë së muzikës, SBS Entertainment.

Ai tani do të jetë nën drejtimin e Jetmir Agajt, i cili qëndron prapa famës së shumë yjeve të tregut muzikor shqiptar.

Lexo po ashtu Të gjitha lajmet nga Estrada Shqiptare

“Njerëz, ju falënderoj nga zemra për këtë bashkëpunim. Jam shumë i lumtur dhe desha të ju informoj kënga solo ‘Alo’ do të lansohet pas disa ditëve se do vi me një bashkëpunim dhe dua të lë surprizë për ju”, u shpreh ai.

Bejta tutje theksoi: “Desha të ju informoj që karriera ime artistike do të jetë çdo ditë më afër juve pasi nga tani do të menaxhohem nga Jetmir Agaj (SBS Entertainment), me dashuri i juaji, Bejta”.

Me t’u bërë pjesë e SBS, këngëtari njoftoi se do të sjellë remix-in e “Lule” në duet me Kiddën.

View this post on Instagram

A post shared by KIDDA (@theonlykidda)

Nuk ka dyshim se Bejta do të shënojë suksese të mëdha e do të jetë një nga artistët më të kërkuar të momentit. /Telegrafi/