Ia keqpërdorin emrin në rrjetet sociale, reagon Getinjo

Reperi i njohur shqiptar, Getinjo, ka ndarë me ndjekësit e tij në rrjetet sociale një situatë të pakëndshme ku dikush ka tentuar të mashtrojë në emrin e tij. Përmes një postimi në Instagram, Getinjo ka bërë të ditur se një llogari tjetër me emër të ngjashëm është duke u përdorur për të mashtruar njerëzit.

Në postimin e tij, Getinjo ka ndarë një mesazh të shpërndarë nga kjo llogari e rreme, ku thuhej: “Ju njoftoj se para pak sekondash, llogaria ime e vërtetë Getinjo në Instagram u bllokua për disa arsye që hala nuk duhen, por deri sa ta identifikojmë do jemi aktiv të kjo llogari. Me respekt, getuar Aliu”. Ky mesazh ishte një përpjekje për të mashtruar ndjekësit e reperit, duke i bërë të besojnë se llogaria e rreme ishte e vërtetë.

Në mbishkrimin e postimit të tij, Getinjo e ka sqaruar situatën duke thënë: “Getoar e kam, jo Getuar. Ti që e ke hapur këtë llogari”, duke i treguar ndjekësve se llogaria e përmendur nuk ka asnjë lidhje me të dhe është një përpjekje e qartë për mashtrim.

Pas këtij paralajmërimi, Getinjo ka bërë një postim të dytë duke i kërkuar ndjekësve të tij që të mos bien pre e kësaj llogarie të rreme. “Mos bjerni në mashtrime shoqëri. Ky emër s’ka të bëjë me mua”, ka shkruar ai, duke theksuar se llogaritë e tjera që përpiqen të përdorin emrin e tij për të mashtruar janë të rreme dhe të pabesueshme.

Reperi nga Ferizaj, i cili ka një numër të madh ndjekësish në rrjetet sociale, ka marrë mbështetje të madhe nga fansat e tij, të cilët e kanë inkurajuar përmes komenteve që të qëndrojë i fortë përballë këtyre përpjekjeve për mashtrim.

Ky incident vë në pah rëndësinë e të qenit të kujdesshëm në rrjetet sociale dhe të mos u besuar lehtësisht llogarive të pa verifikuara, veçanërisht kur bëhet fjalë për figura publike të njohura si Getinjo. /Telegrafi/