Rusët ndezin zjarr në centralin bërthamor Zaporizhzhia

Presidenti ukrainas Volodymyr Zelensky ka deklaruar se forcat ruse kanë ndezur zjarr në centralin bërthamor në jug të Ukrainës.

Zjarri mund të shihet duke u ngritur në qiell në centralin bërthamor të Zaporizhzhia, që është pushtuar nga forcat ruse nga fillimi i luftës në Ukrainë, transmeton Telegrafi.

Në postimin e tij në rrjetin social X, Zelensky tha se nivelet e rrezatimit në Zaporizhzhia mbeten në nivele të normales.

Ai shpërndau videon ku shihet zjarri, e në anën tjetër zyrtarë lokalë në qytetin e Nikopolit që kanë pamje drejt centralit bërthamor, thanë se rusët i vunë zjarrin gomave në kullën ftohëse.

Zelensky u ka bërë thirrje banorëve të atjeshëm të ruajnë gjakftohtësinë, derisa autoritetet ruse thanë se zjarri shpërtheu në afërsi të kullës ftohëse dhe se ekipet e zjarrfikësve po tentojnë ta shuajnë. /Telegrafi/

Enerhodar. We have recorded from Nikopol that the Russian occupiers have started a fire on the territory of the Zaporizhzhia Nuclear Power Plant.

Currently, radiation levels are within norm. However, as long as the Russian terrorists maintain control over the nuclear plant, the… pic.twitter.com/TQUi3BJg4J

— Volodymyr Zelenskyy / Володимир Зеленський (@ZelenskyyUa) August 11, 2024