Rrezikohet mbajtja e Lojërave Mesdhetare Prishtina 2030 – Qeveria e Kosovës kërkon t’i organizojë vet ato, merr përgjigje negative
![Rrezikohet mbajtja e Lojërave Mesdhetare Prishtina 2030 – Qeveria e Kosovës kërkon t’i organizojë vet ato, merr përgjigje negative](https://telegrafi.com/wp-content/uploads/2024/08/lojuerat-mesdhetare-1-780x439.jpg)
Lojërat Mesdhetare Prishtina 2030 po rrezikohen, e mund të mos mbahen fare. Kjo për shkak të vonesës së institucioneve të Kosovës për funksionalizimin e Komitetit Organizativ të Lojërave Mesdhetare, e për më tepër Qeveria e Kosovës ia ka drejtuar Komitetit Ndërkombëtar të Lojërave Mesdhetare, një letër në të cilën kërkon marrëveshje të re.
Qeveria e Kosovës, i ka dërguar Lojërave Mesdhetare një marrëveshje të re ku protagonist kryesor është Qeveria e Kosovës e jo Komuna e Prishtinës siç është paraparë fillimisht nga Lojërat Mesdhetare. Më 27.06.2024, Komiteti Ndërkombëtar i kthen përgjigje Qeverisë duke i thënë që nuk munden të hyjnë në marrëveshje direkte me Qeveritë ngase ata nënshkruajnë marrëveshje me qytetet.
Në përgjigjen e tyre, ata paralajmërojnë që ka rrezik që të dështojë komplet mbajtja e Lojërave Mesdhetare në Kosovë për shkak se Kosova është vonuar në zotimet që i ka dhënë.
“KNLM (Komiteti Ndërkombëtar i Lojërave Mesdhetare) ngrohtësisht fton të gjitha palët e përfshira që urgjentisht të përgatisin dokumentacionin e kërkuar (që veçse është e njohur për të gjithë), duke kujtuar që afati i fundit për të bërë operacional Komitetin Organizativ të Lojërave Mesdhetare, është 8 shtator 2024, më së largu” – thuhet në përgjigjen që Presidenti dhe Sekretari i Përgjithshëm i KNLM-së i kanë kthyer Qeverisë.
Komiteti Organizativ i Lojërave Mesdhetare ia përkujton Qeverisë që prej 8 shtatorit 2023 kur janë fituar lojërat e deri sot nuk është marrë as hapi i parë prej autoriteteve të Kosovës e që është krijimi i Komitetit Organizativ të Lojërave Mesdhetare. Pra në Kosovë qe 11 muaj s’është marrë asnjë hap që është dashur të bëhet për këto lojëra, në ndërkohë pushtetarët tanë shtyhen se kush duhet me qenë në krye të Odës, a Qeveria a Komuna – e si rezultat i kësaj të rinjtë e Kosovës rrezikojnë të mbeten pa investimet e shumëpritura në sport.
Komiteti Ndërkombëtar qartazi e ka refuzuar propozimin e Qeverisë për “marrëveshjen e re” të propozuar nga ta dhe përveç refuzimit, i japin afat qeverisë deri më 8 shtator t’i përmbushin obligimet e marra kur është nënshkruar kontrata fillestare sepse përndryshe humbet mundësia për organizimin e këtyre Lojërave në Kosovë.“Komiteti Ndërkomëtar i Lojërave Mesdhetare nuk mund të hyj në marrëveshje direkte me Qeveri. Statuti i KNLM-së në asnjë rast nuk parashikon që qeveritë mund të jenë bashkëbisedues të drejtpërdrejtë në marrëdhëniet me KNLM-në” – thuhet në përgjigjen e Komitetit Ndërkombëtar.
Dallimi kryesor mes marrëveshjes së nënshkruar më 08.09.2023 dhe asaj që e ka propozuar Qeveria e Kosovës është që në të parën organizatore është Komuna e Prishtinës e Qeveria është garantuese financiare për organizimin e Lojërave kurse në të dytën, Qeveria është vet organizatore e lojërave.
Në marrëveshjen e propozuar, që KALLXO.com e ka parë, Qeveria propozon që të jetë ajo që implementon marrëveshjen dhe se përmes kësaj marrëveshje Qeveria do të “merr të gjitha hapat e nevojshëm për të zbatuar marrëveshjen”, me fjalë të tjera me qenë Qeveria organizatorja. Këtë marrëveshje, në emër të Qeverisë e ka dërguar Daulina Osmani, zëvendësministre e Ministrisë së Kulturës, Rinisë dhe Sportit.Propozimi nga Qeveria e Kosovës ishte që kjo marrëveshje të nënshkruhet nga vet ajo, Këshilli i Ministrave të Republikës së Shqipërisë dhe Komiteti Ndërkombëtar i Lojërave Mesdhetare.
“Qëllimi i kësaj marrëveshjeje është njohja e përpjekjeve të vazhdueshme për organizmin e 21-të të Lojërave Mesdhetare siç definohet në kontratën e nxjerrë në Heraklion më 8 shtator 2023. Organizimi i Lojërave Mesdhetare do të implementohet në përputhje me këtë marrëveshje, kontratën e cila është pjesë e kësaj marrëveshjeje si Aneksi 1, duke përfshirë librin e ofertave” – thuhet në marrëveshjen e propozuar nga Qeveria.Në marrëveshjen e propozuar nga Qeveria e Kosovës, Komuna e Prishtinës dhe Komiteti Olimpik i Kosovës nuk parashihen si nënshkruese, të cilat kishin nënshkruar marrëveshjen e parë.Për rrezikimin e Lojërave Mesdhetare, KALLXO.com ka pyetur Kryeministrin Albin Kurti.“I zoti i shtëpisë” në Qeveri na ka thënë që nuk ka informacione.
“Unë nuk kam kurrfarë informacioni që ka probleme, përkundrazi. Për këtë është Ministria e Kulturës, Rinisë dhe Sportit, përkatësisht zëvendësministrja Daulina Osmani, e cila mund t`ua jap përgjigjen më të mirë” – deklaroi Kryeministri Kurti më 24.07.2024.
KALLXO.com ka kontaktuar edhe me zëvendësministren Osmani për ta pyetur pse kanë kërkuar marrëveshje tjetër dhe a ka rrezik mos të mbahen fare Lojërat Mesdhetare Prishtina 2030.Që nga 26.07.2024, zëvendësministrja Osmani është thirr tetë herë në telefon, është kontaktuar pesë herë përmes shkrimeve në aplikacione dhe dy herë me email, por ajo nuk ktheu përgjigje në pyetjet e drejtuara nga KALLXO.com.
Pyetje zyrtarisht i janë dërguar edhe Komitetit Ndërkombëtar të Lojërave Mesdhetare, të cilët po ashtu, zyrtarisht kanë heshtur sa i përket kësaj çështjeje.Pra, më 08.09.2023 u nënshkrua marrëveshja mes Komitetit Ndërkombëtar të Lojërave Mesdhetare me Komitetin Olimpik të Kosovës dhe Komunën e Prishtinës.Me këtë rast, Qeveria e Kosovës ishte nënshkruese si dëshmitare. Nënshkrimin e tyre e kanë vendosur Ministri i Kulturës, Rinisë dhe Sportit, Hajrulla Çeku dhe Ministri i Financave, Hekuran Murati.
Këto lojëra do të nënkuptonin investime milionëshe në infrastrukurë sportive, investimin më të madh që Kosova e ka bërë pas lufte në sport – gjë që duket se do të mbetet ëndërr për shkak se Kosova po vonohet në përmbushjen e obligimeve bazike siç është mbajtja e takimit të komisionit mes Komunës e Qeverisë. Kosova ishte kandidatja e vetme që garoi për ta siguruar organizimin e Lojërave Mesdhetare.
Shqipëria është zotuar se do ta ndihmojë Kosovën në organizimin e lojërave, duke ia ofruar bregdetin e vet për garat në sportin e lundrimit.Ajo që po shihet deri tash është që pas 11 muajve, autoritetet qendrore e lokale s’kanë arritur as të takohen mes veti.
Pra komisioni që është dashur të formohet mes Komunës së Prishtinës, MRKS-së dhe Komitetit Olimpik nuk është mbajtur për 11 muaj.Në Lojërat Mesdhetare marrin pjesë 26 vende nga tri kontinente. Nga Afrika: Algjeria, Egjipti, Libia, Maroku dhe Tunizia. Nga Azia: Libani, Siria dhe Turqia. Nga Evropa: Shqipëria, Andorra, Bosnja dhe Hercegovniza, Kroacia, Qiproja, Franca, Greqia, Italia, Kosova, Malta, Monako, Mali i Zi, Maqedonia e Veriut, Polonia, San Marino, Serbia, Sllovenia dhe Spanja.
Kosova u pranua në ICMG (Komiteti Ndërkombëtar i Lojërave Mesdhetare) më 2015 dhe mori pjesë për herë të parë në Tarragona 2018, në Spanjë.Programi sportiv përmban rreth 24 sporte, me pjesëmarrjen e mbi tre mijë sportistëve. /KALLXO/
Promo
Reklamo këtuLufta Prigozhin - Putin
Më shumë![Real Madridi dhe Barcelona fuqishëm në garë për yllin e Liverpoolit](https://telegrafi.com/wp-content/uploads/2024/08/ancelotti-slot-flick-380x233.png)
Real Madridi dhe Barcelona fuqishëm në garë për yllin e Liverpoolit
![Mbyllen Lojërat Olimpike Paris 2024: SHBA-të vendin e parë, Kosova e 73-ta, Shqipëria e 80-ta](https://telegrafi.com/wp-content/uploads/2024/08/kosova-shqiperia-380x233.jpg)
Mbyllen Lojërat Olimpike Paris 2024: SHBA-të vendin e parë, Kosova e 73-ta, Shqipëria e 80-ta
![Rrezikohet mbajtja e Lojërave Mesdhetare Prishtina 2030 – Qeveria e Kosovës kërkon t’i organizojë vet ato, merr përgjigje negative](https://telegrafi.com/wp-content/uploads/2024/08/lojuerat-mesdhetare-1-380x233.jpg)
Rrezikohet mbajtja e Lojërave Mesdhetare Prishtina 2030 – Qeveria e Kosovës kërkon t’i organizojë vet ato, merr përgjigje negative
![](https://telegrafi.com/wp-content/uploads/2024/08/slot-2-380x233.png)
"Slot Ball", tifozët e Liverpoolit me "duar në kokë" për stilin e lojës kundër Sevillas
![Nuk kanë hapësirë në ekip, Ancelotti aprovon shitjen e dy yjeve të Real Madridit](https://telegrafi.com/wp-content/uploads/2024/08/CARL-1-380x233.jpg)
Nuk kanë hapësirë në ekip, Ancelotti aprovon shitjen e dy yjeve të Real Madridit
![Kaos te Hajduku, Gattuso përjashton yllin kroat nga skuadra](https://telegrafi.com/wp-content/uploads/2024/08/collage-20-380x233.jpg)
Kaos te Hajduku, Gattuso përjashton yllin kroat nga skuadra
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Ukraina po godet objektiva qindra kilometra thellë brenda Rusisë për tre arsye kryesore, flasin ekspertët](https://telegrafi.com/wp-content/uploads/2024/08/Screenshot_29-11-380x233.png)
Ukraina po godet objektiva qindra kilometra thellë brenda Rusisë për tre arsye kryesore, flasin ekspertët
![Lëvizje e pazakontë, bashkëpartiaku i Trumpit kërkon që amerikanët të distancohen prej ish-presidentit amerikan](https://telegrafi.com/wp-content/uploads/2024/08/Screenshot_20-9-380x233.png)
Lëvizje e pazakontë, bashkëpartiaku i Trumpit kërkon që amerikanët të distancohen prej ish-presidentit amerikan
![Qytetarët rusë me një video drejtuar Putinit e nxjerrin blof ushtrinë:](https://telegrafi.com/wp-content/uploads/2024/08/Screenshot_19-9-380x233.png)
Qytetarët rusë me një video drejtuar Putinit e nxjerrin blof ushtrinë: "Shefat ushtarakë po gënjejnë se sulmi i Ukrainës është nën kontroll"
![Real Madridi prek sërish tregun brazilian, synon transferimin e mbrojtësit që kushton 100 milionë euro](https://telegrafi.com/wp-content/uploads/2024/08/carlo-380x233.jpg)
Real Madridi prek sërish tregun brazilian, synon transferimin e mbrojtësit që kushton 100 milionë euro
![Guardiola bën një ankesë tejet të çuditshme pasi mposhti Man United në finale](https://telegrafi.com/wp-content/uploads/2024/08/pep-2-380x233.jpg)
Guardiola bën një ankesë tejet të çuditshme pasi mposhti Man United në finale
![Zelensky thyen heshtjen, për herë të parë pranon se forcat ukrainase po luftojnë thellë në territorin rus](https://telegrafi.com/wp-content/uploads/2024/08/Screenshot_23-10-380x233.png)
Zelensky thyen heshtjen, për herë të parë pranon se forcat ukrainase po luftojnë thellë në territorin rus