Barcelona ka vendosur ta shesë përfundimisht Raphinhan – ia cakton çmimin

Që në fillimet e tij në Barcelonë, Raphinha nuk e ka pasur rrugëtimin më të lehtë në klub, duke humbur vendin e tij nga Ousmane Dembele.

Që atëherë vendi i tij ka qenë gjithmonë në pikëpyetje dhe këtë verë sërish po flitet si një largim i mundshëm.

Sipas The Athletic, ai i kishte bërë mjaftueshëm përshtypje Barcelonës për t’i bindur se e meritonte të qëndronte këtë sezon, por në fund të fundit, situata ekonomike merr përparësi.

Lexo po ashtu Joan Laporta u jep fund zërave nëse Barcelona po e transferon Nico Williamsin

Forma e tij këtë sezon dhe prodhimi i dhanë atij një vend në skuadër, pasi ata mendojnë se ai gjithashtu mund të sigurojë konkurrencë për Lamine Yamal pa shkaktuar probleme në dhomën e zhveshjes.

Thënë kështu, mes përfoljeve për oferta nga Arabia Saudite në mediat katalanase, i njëjti burim thotë se Barcelona do të pranojë një ofertë prej 60 milionë euro.

Paraqitjet e tij në të majtë ishin një surprizë e këndshme për Xavi Hernandez, por me Nico Williams objektivin e tyre kryesor për krahun e majtë dhe Lamine Yamal në të djathtë, mundësitë do të jenë të pakta nëse ata mund të arrijnë një marrëveshje për anësorin bask.

Po kështu, ata kanë edhe Ferran Torres që mund të kombinohet me Lamine Yamal, që do të thotë se një shitje ka kuptim, edhe nëse është paksa e padrejtë për brazilianin. /Telegrafi/