LAJMI I FUNDIT:

UEFA konfirmon se rregulli i ri i diskutueshëm do të përdoret në të gjitha garat nga 2024/25 pas provës në Euro 2024

UEFA konfirmon se rregulli i ri i diskutueshëm do të përdoret në të gjitha garat nga 2024/25 pas provës në Euro 2024

UEFA ka konfirmuar se një rregull i ri i shumë diskutueshëm do të zbatohet në të gjitha garat e organizuara nga UEFA pas një prove të suksesshme në Euro 2024.

Përpara turneut të kësaj vere në Gjermani, UEFA prezantoi një ndryshim rregulli të krijuar për të ndaluar lojtarët të rrethojnë një gjyqtar.

Shkurtimisht, kapiteni është i vetmi lojtar i lejuar të diskutojë një vendim të marrë nga gjyqtarët dhe nëse një lojtar tjetër i afrohet gjyqtarit për të kundërshtuar thirrjen e tij, atëherë ata do të ndëshkohen.


Pas një prove të suksesshme në Euro 2024 këtë verë, UEFA ka vendosur të zbatojë rregullin në të gjitha garat e tyre në vijim. Lajmin e kanë konfirmuar përmes një komunikate.

“UEFA EURO 2024 ka parë një politikë të re të prezantuar për të formësuar marrëdhëniet midis gjyqtarëve dhe lojtarëve në fushë, për të përmirësuar komunikimin rreth vendimeve të gjyqtarëve dhe për të inkurajuar besimin reciprok”.

“Suksesi i kësaj qasjeje të re në UEFA EURO 2024, i kuptuar nga aktorët e lojës dhe i mirëpritur nga opinioni publik si përparim i padiskutueshëm për imazhin e futbollit, rrit besimin tonë se kjo është rruga përpara”.

“Fair-play dhe respekti janë vlera që futbolli, loja më e njohur në botë, duhet t’i përcjellë shoqërive tona”.

“Duke filluar me sezonin e ri të garave të klubeve të UEFA-s, gati për të nisur javën e ardhshme, kjo qasje do të shtrihet në të gjitha ndeshjet në garat e UEFA-s”.

“Gjyqtarë tani kanë një linjë të hapur dialogu me ekipet për të shpjeguar vendimet kyçe, duke përfshirë ato që përfshijnë VAR-in. Këto informacione dhe shpjegime u jepen vetëm kapitenëve të ekipit, të cilët janë të vetmit lojtarë që kanë të drejtë të flasin me gjyqtarin dhe të kërkojnë sqarime në një mënyrë respektuese”.

“Kapitenët gjithashtu duhet të marrin përgjegjësi për shokët e tyre të skuadrës, duke u kërkuar atyre të respektojnë gjyqtarin, të mbajnë distancën e tyre dhe të mos rrethojnë zyrtarët e ndeshjes”.

“Aty ku kapiteni është portieri, pra jo afër aksionit në shumicën e rasteve, ekipeve u kërkohet të caktojnë një lojtar të vetëm jashtë fushës të autorizuar për të folur me gjyqtarët, për të marrë shpjegimet e tyre. Lojtarët që i shpërfillin këto udhëzime dhe i afrohen gjyqtarëve për të treguar mospajtim ose për të vepruar me mungesë respekti do të ndëshkohen”, thuhet në komunikatë. /Telegrafi/

Në trend Sport

Më shumë
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit

Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit

La Liga
Carvajal poston foto në Instagram pas lëndimit, tregon se do t'i mungojë gjatë Realit

Carvajal poston foto në Instagram pas lëndimit, tregon se do t'i mungojë gjatë Realit

La Liga
Flick flet për zemërimet e Lewandowskit dhe Yamalit pas zëvendësimeve

Flick flet për zemërimet e Lewandowskit dhe Yamalit pas zëvendësimeve

La Liga
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë

Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë

Ndërkombëtare
Ansu Fati në janar pritet të largohet nga Barcelona, mësohet destinacioni i tij

Ansu Fati në janar pritet të largohet nga Barcelona, mësohet destinacioni i tij

La Liga
Mysafirëve në

Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur

Formula 1
Kalo në kategori