Barcelona po e transferon lojtarin që është në garë për çmimin Puskas

Barcelona ka paraqitur një ofertë hapëse për të nënshkruar anësorin e Hull City, Jaden Philogene në huazim këtë verë, sipas ekspertit të transferimeve Florian Plettenberg.

Tottenham Hotspur kohët e fundit ishte duke udhëhequr garën për të marrë nënshkrimin e Philogene, sipas TEAMtalk. Megjithatë, Blaugranasit kanë ndërmarrë veprime duke dorëzuar një ofertë huazimi për yllin e Championship, pasi ata kërkojnë të forcojnë skuadrën e tyre për sezonin e ardhshëm nën Hansi Flick.

Thuhet se klubi katalunas ka ofruar një marrëveshje huazimi një-vjeçar me një detyrim për të blerë – i cili është i lidhur me faktorë të shumtë, duke përfshirë minutazhin e Philogene.

Lexo po ashtu Chelsea po e mposhtë Barcelonën në shënjestrën e tyre kryesore

Ylli i Hull City do të jetë i disponueshëm për të blerë verën e ardhshme për një shifër të raportuar prej 20-23 milionë euro.

Titanët e La Ligës dyshohet se i kanë ofruar gjithashtu 22-vjeçarit një marrëveshje të vlefshme deri në korrik 2026. Që nga bashkimi me Hull vitin e kaluar nga Aston Villa, anglezi U21 ka shënuar 12 gola dhe gjashtë asistime nga 32 paraqitje në Champions.

Për më tepër, ai pushtoi ballinat e mediave ndërkombëtare më 13 shkurt të këtij viti gjatë fitores 2-1 të Hull kundër Rotherham United pasi mposhti një mbrojtës para se të shënonte një Rabona mahnitëse. Shumë ekspertë e kanë konsideruar këtë gol si të denjë për çmimin Puskas. /Telegrafi/