Zvicra në epërsi pas pjesës së parë ndaj Italisë me golin e Freuler

Zvicra e ka përfunduar me epërsi minimale 1-0 pjesën e parë ndaj Italisë në kuadër të raundit të 1/16-tave në Euro 2024.

Helvetikët rastin e parë serioz e patën në minutën e 24-të me anë të Breel Embolos i cili dështoi të shënojë ballë për ballë Gianluigi Donnarummës.

Italia në anën tjetër pati një paraqitje të zbehtë duke mos arritur që të krijojë ndonjë mundësi të mirë shënimi.

Pasi iniciativa ishte pothuajse gjatë tërë kohës në anën e tyre, përpjekjet e lojtarëve zviceran u shpërblyen me gol.

Në minutën e 37-të Zvicra arriti që të shënojë golin e epërsisë me anë të Remo Freuler i cili pranoi një pasim të mirë brenda zonës duke shënuar me qetësi për 1-0.

🚨 GOAL: Switzerland 1-0 Italy!

FREULER PUTS SWITZERLAND 1-0 UP! WHAT A GOAL! 🔥🇨🇭 pic.twitter.com/T0xG9Xh5Ad

— Euro 24 Hub (@Euro24Hub) June 29, 2024

Fabian Rieder i Zvicrës ishte ai që iu afrua seriozisht golit të dytë kur në minutën e parë të shtesës bëri një gjuajtje të fuqishme nga goditja e dënimit, por u ndal nga Donnarumma.

Përkundër faktit që “Azzurrët” ishin në disavantazh, përsëri ishte Zvicra ajo që diktonte tempon e lojës duke mos lejuar të rrezikohej porta e Yann Sommer.

Mbetet të shihet se çfarë do të ndodhë në pjesën e dytë, por sipas asaj që pamë në pjesën e parë Luciano Spalletti do të detyrohet të bëjë disa ndryshime në formacion për t’u rikthyer sërish në lojë.

Kujtojmë se fituesi i këtij takimi do të përballet në çerekfinale me fituesin e ndeshjes Angli/Sllovaki./Telegrafi/