Fillon ndërtimi i tunelit hekurudhor nënujor Danimarkë-Gjermani që do të ‘zëvendësojë’ rrugën 45-minutëshe me traget me një 7-minutëshe me tren

Danimarka dhe Gjermania janë një hap më afër lidhjes me tunelin më të gjatë nënujor hekurudhor në botë.

Sipas mediave të huaja, përcjell Telegrafi, Mbreti danez Frederik X përuroi elementin e parë të një tuneli të ardhshëm 18 kilometra nën Detin Baltik të hënën.

Ai do të lidhë Danimarkën jugore me Gjermaninë veriore dhe do të kontribuojë në tranzicionin e gjelbër të sektorit të transportit.

Lidhja Fehmarnbelt, e cila pritet të hapet në vitin 2029, do të shkurtojë gjithashtu udhëtimin nga kalimi aktual i trageteve prej 45 minutash – në shtatë minuta me tren.

Ai do të lidhë Roedby në anën daneze me Puttgarten në Gjermani, me lidhje të mëtejshme rrugore dhe hekurudhore me Evropën Qendrore dhe vendet nordike.

Frederik zbuloi një pllakë në hyrje të seksionit të parë 217 metra të tunelit, i cili do të zhytet në një kanal të shtratit të detit në anën daneze më vonë këtë vit.

Sund & Baelt, kompania që ndërton lidhjen Fehmarn, pretendon se do të jetë tuneli më i gjatë “zhytës”.

Makinat pritet të jenë në gjendje të kalojnë Detin Baltik në 10 minuta në katër korsi dhe trenat do ta bëjnë këtë në shtatë minuta.

Lidhja Fehmarn do të kushtojë 55.1 miliardë krona (4.8 miliardë euro) dhe do të paguhet nga shfrytëzuesit në Danimarkë. /Telegrafi/